یاریگا –
بارسێلۆنا داوا دەکات زۆرینەی یارییەکانی سەرەتای وەرزی نوێ لە دەرەوەی یاریگای خۆی بکات.
ماڵپەڕی رێلێڤۆ بڵاویکردووەتەوە، بەهۆی ئامادەنەبوونی یاریگای کامپ نو، بارسێلۆنا داوای لە لالیگا کردووە، لە وەرزی نوێ بەشێکی زۆری یارییەکانی سەرەتا لە دەرەوەی یاریگای خۆی بکات.
بەهۆی نۆژەنکرانەوەی کامپ نو، بارسێلۆنا لەم وەرزە یارییەکانی لە یاریگای مۆنجویک دەکات، بەڵام ئامادەبوونی هاندەران بەڕێژەیەکی بەرچاو دابەزیەوە، تێکڕای ئامادەبوونی هاندەران لە مۆنجویک نزیکەی نیوەی وەرزی رابردووە. بەو هۆیە بارسا نزیکەی 70 بۆ 90 ملیۆن یۆرۆ زیانی بەرکەوتووە.
#NoticiaRelevo 🗞️ El Barça pedirá a LaLiga poder jugar el máximo de partidos fuera de casa hasta diciembre.
Intentará sacar el máximo rendimiento al nuevo Camp Nou, como ya hicieron Villarreal o Real Madrid.@alexpintanel 🤝 @sergiofernan5ez https://t.co/KP1PhoaC4r
— Relevo (@relevo) February 29, 2024
بەپێی راپۆرتەکەی رێلێڤۆ، ئەگەر هەمووشتێک بەپێی پلان بڕوات تا مانگی نۆڤێمبەر 60 بۆ 65 هەزار کورسی یاریگای کامپ نو ئامادە دبێت، بارسا دەتوانێت لەو مانگەوە یارییەکانی لە یاریگا دێرینەکەی بکات.
هەر بۆیە یانە کاتالۆنییەکە دەیەوێت بۆ کەمکردنەوەی زیانەکان لە وەرزی داهاتوو کەمترین یاری لە یاریگای مۆنجیوک بکات.
بە ئەگەرێکی زۆر لالگا داواکارییەکای بارسێلۆنا قبوڵ دەکات، چوونکە لە وەرزەکانی رابردوو ریال مەدرید و ڤیاریالیش هەمان داواکارییان کردبوو، داواکارییەکانیشیان قبوڵ کرابوون.
بارسا پێشبینی دەکرد ژمارەی ئامادەبوونی هاندەران لە مۆنجویک کەم بکات، بەڵام ژمارەکان کارەستباران و پێشبینی کەمبوونەوەیەکی بەوشێوەیەی نەکردبوو، کە تا ئێستا تەنیا 17 هەزار هاندەر بلیتی وەرزیان کڕیووە و 12 هەزار بلیت کەمتر لە پێشبینییەکان فرۆشراون، کە بێگومان دوای داشکانێکی زۆر ئینجا یانەکە توانیوییەتی ئەو ژمارە بیلیتەش بفرۆشێت.
بارسا لە کۆتایی ئەمساڵ دەرگای یاریگای کامپ نو بەڕووی هاندەرانی دەکاتەوە و بۆ هەر یارییەک 60 بۆ 65 هەزار کورسی ئامادە دەبێت، بەڵام تەواوی کارەکانی یاریگاکە تا هاوینی 2026 تەواو نابێت.
By the end of November, the Spotify Camp Nou will open its doors with a capacity that will range between 60,000 and 65,000 spectators. It will not be until the summer of 2026 when the stadium will operate at full capacity.
— @relevo pic.twitter.com/iXw2diZNRe
— Barça Universal (@BarcaUniversal) February 29, 2024
