یاریگا –
یەکشەممەی رابردوو لە یارییەکانی گەڕی 26ـی لالیگا، ریال مەدرید لە یاریگای سانتیاگۆ بێرنابیۆ میوانداری سێڤییا کرد و یارییەکەی بە تاکە گۆڵێکی لوکا مۆدریچ بردەوە.
ئیسیدرۆ دیاز دی مێرا، ناوبژیوانی سەرەکی یارییەکە بوو، بەڵام بەردەوام بڕیارەکانی یاریزانان و هاندەرانی ریال مەدریدی تووڕە دەکرد و لە زۆرینەی بڕیارەکانی نارازیبوون، تەنانەت کار گەیشتە ئەوەی یاریزانێکی وەک تۆنی کرووس ئارامی لەدەستدا و کارتی زەردی بەڕوودا بەرزکرایەوە.
💥 Kroos estalla contra el árbitro
🗣️ “Había 80.000 espectadores y todos estaban desesperados con su arbitraje”
✍️ @DaniPeinado93 https://t.co/CPcVfpsXKL
— Diario AS (@diarioas) February 28, 2024
کەمێک لەمەوبەر رۆژنامەی ئاس، چەند لێدوانێکی ئەستێرە ئەڵمانییەکەی لەبارەی دیاز دی مێرای ناوژیوانی یارییەکە بڵاوکردووەتەوە و هێرشێکی تووندی کردووتە سەر.
خودا هەمووشتێک دەبینێت، رەنگە هەر ئەوەش هۆکاری پێکانەکەی ناوبژیوان بووبێت، زۆر ستەمی لێدەکردین.
دەتوانم بڵێم ناوبژیوانی چوارەم لەو باشتر یارییەکەی بەڕێوەبرد و هەندێک ئارامی بۆ کەش و هەوای یارییەکە گەڕاندەوە.
من یاریزانێک نیم رەخنە لە بڕیارەکانی ناوبژیوان بگرم و بەردەوام بە دەوری ناوبژیواندا بسوڕێمەوە، بەڵام ناوبژیوانی یارییەکەی سێڤییا بە درێژایی گێمی یەکەم لە دژی ئێمە بڕیاری دەدا، ئەمەش زۆر تووڕەی کردم و ئارامیم لەدەستدا.
من تاکە کەس نەبووم لە لە ناوبژیوان ناڕازیبووم، 80 هەزار کەس لە یاریگا بینەری یارییەکە بوون، هەمووان لە ناوبژیوان بێهیوا بوون.
🚨 Kroos explota: “Dios lo ve todo y probablemente lesionó al árbitro”
🗣️ “Había 80.000 espectadores y todos estaban desesperados con su arbitraje” pic.twitter.com/1SIEGBEYXE
— Diario AS (@diarioas) February 28, 2024
