یاریگا –
راپۆرتە رۆژنامەوانیەكان ئاشكرایانكردووە كە دوو دڵییەك لە ناو ماڵی بارسێلۆنادا درووست بووە دوای دەنگۆیەكانی رۆیشتنی مارك ئاندرێ تێر شتیگنی گۆڵپارێزی یەكەمی یانە كەتەلۆنییەكە.
لە ماوەی رابردوودا چەندین هەواڵ بڵاو بوویەوە كە باس لەوە دەكرا تێر شتیگن لە پەیوەندیكردنی بە چوار یانە گەورەكەی خولی رۆشنی سعودیەوە نزیكە.
La passió de Ter Stegen ❤️🔥 pic.twitter.com/G7JT6SBbVt
— FC Barcelona (@FCBarcelona_cat) October 7, 2023
وا بڕیارە یەكشەممەی داهاتوو ئاتلێتیك بلباو لە یاریگای سان مامێسی تایبەت بە خۆی میوانداری بارسێلۆنا بكات.
گرێبەستەكەی تێر شتیگن لەگەڵ بارسێلۆنا لە هاوینی ساڵی 2028 بەسەردەچێت.
بەپێی زانیارییەكانی رۆژنامەی موندۆ دیپۆرتیڤۆ، قەلەقییەك لە ناو بارسێلۆنادا هەیە بەهۆی دەنگۆیەكانی رۆیشتنی تێر شتیگن، هەروەها نا دڵنیایی یانەكە لە پشتبەستن بە ئیناكی پێنا گۆڵپارێزی دووەمی یانەكە.
سەرچاوە ئیسپانییەكە ئەوەشی ئاشكرا كردووە، بارسێلۆنا تا ئێستا دوو گۆڵپارێزی دەستنیشان كردووە كە گرێبەستی لەگەڵ واژۆ بكات.
ئەوەش خراوەتە روو، گۆڵپارێزەكان بریتین لە لویس ماكسیمیانۆ گۆڵپارێزی ئالمیریا و دەیڤد دی خیا گۆڵپارێزی پێشووی مانچێستەر یونایتد.
🚨 Barcelona are considering a move to sign David De Gea on a free transfer.
(Source: @MundoDeportivo) pic.twitter.com/bIKKw4GilB
— Transfer News Live (@DeadlineDayLive) February 27, 2024
بارسێلۆنا بە 57 خاڵ لە ریزبەندی سێیەمی لالیگا دێت و بە جیاوازی هەشت خاڵ لە دوای ریال مەدریدی پێشەنگەوەیە.
