یاریگا–
نیکلاس سۆلێ، بەرگریکاری ئەڵمانی یانەی بایرن میونشنی ئەم وڵاتە تووشی پێکانێکی قورس بووە و ماوەیەکی زۆر لە یاریگاکان دوور دەکەوێتەوە.
ماڵپەری فەرمی یانەی ئەڵمانیەکە بڵاویکردۆتەوە بەرگریکارەکەیان لە یارییەکەی بەرامبەر ئاوگسبورگ لە چۆکیدا تووشی پێکانێکی قورس بووە و بەم هۆیەوە نەچارە نەشتەرگەری بکات و بۆ ماوەی شەش مانگ لە یاریگاکان دوور دەکەوێتەوە.
ئەم پێکانەی سولێ لە کاتێکدایە، هێلی بەرگری بایرن میونشن ئەم وەرزە ئاستێکی خراپیان هەبووە و لە هەشت یاری دە گۆڵیان لێکراوە.
