زیدان: زۆر بە بێڵینگهام سەرسامم
یاریگا –
زیدان ستایشی بێڵینگهام دەکات و دەڵێت ‘بێڵینگهام کاری باوەڕپێنەکراو دەکات’.
زینەدین زیدان، راهێنەری پێشووی ریال مەدریدی ئیسپانی لە لێدوانێکی بۆ ماڵپەڕی ئاسی ئیسپانی لەبارەی جود بێڵینگهام دەڵێت :’بێڵینگهام کاری بڕواپێنەکراو دەکات، لەم تەمەنەدا زۆربەی ژمارە و ریکۆردەکانی تێپەڕاندووە، نابێت بیرمان بچێت بێڵینگهام تەمەنی تەنیا 20 ساڵە، کەچی بەردەوام بە گۆڵ و ئاستە بەرزەکەی ئاستی چاوەڕوانی هەمووانی بەرزکردووەتەوە، بە هەمووانی پیشان داوە بێڵینگهام کێیە’.
هەروەها زیزۆ لەبارەی بێڵی دەشڵێت :’من زۆر زۆر پێی سەرسامم، زۆر دڵخۆشم کاتێک سەیری یارییەکانی دەکەم، هیوادارم بتوانێت نازناوەکان لەگەڵ ریال مەدرید بەدەست بهێنێت، هەر ئەو هیوایەم بۆی هەیە’.
🤍 Zidane se deshace en elogios hacia Bellingham pic.twitter.com/hBfPSN87uP
— Diario AS (@diarioas) February 13, 2024
بێڵینگهام پێشتر چەند جارێک گوتویەتی زیدان نموونەی باڵایەتی و لە ریال مەدرید بۆ ئەوەی شوێنپێی زیزۆ بگرێتەوە درێسی ژمارە 5 دەپۆشێت.
بێڵینگهام لەم وەرزە لەگەڵ ریال مەدرید لە 29 یاری 20 گۆڵ و 8 ئەسیستی تۆمارکردووە.
