یاریگا –
ڤینیسیۆس جونیۆر، ئەستێرەی هەڵبژاردەی بەڕازیل و یانەی ریال مەدریدی ئیسپانی ستایشی ئاستی جود بێڵینگهامی هاوتیمی دەكات و بە باشترین یاریزانی جیهان وەسفی دەكات.
شەوی رابردوو ریال مەدرید لە یاریگای سانتیاگۆ بێرنابیۆی تایبەت بە خۆی میوانداری جیڕۆنای كرد و یارییەكەشی بە ئەنجامی چوار گۆڵی بێ وەڵام لێ بردەوە، لە میانی یارییەكانی هەفتەی 24 لالیگای ئیسپانیا.
گۆڵەكانی مەدرید لەلایەن جود بێڵینگهام دوو گۆڵ و ڤینیسیۆس و رۆدریگۆ گۆڵێك تۆمار كران.
🥹🤝 Yo solo quiero ser uno de ellos. pic.twitter.com/YPSc7hG9Ep
— Real Madrid C.F. (@realmadrid) February 10, 2024
لە دوای یارییەكە و لە لێدوانەكانیدا بۆ رۆژنامەی ئاس، ڤینیسیۆس گوتی:
یەكێك لە باشترین یارییەكانی خۆمان لەم وەرزەدا ئەنجامدا، ئەوەی راهێنەر داوای كردبوو لێمان ئەنجامماندا.
بەردەوام بوو گوتیشی:
كاتێك بەم رۆحیەتەوە بەرامبەر تیپێك یاری دەكەین و ئەم رۆحییەتە نیشان دەدەین، زۆر قورسە شكستپێهێنانمان.
لە درێژەی قسەكانیدا گوتی:
هیوادارم پێرێز رێگە بدات بۆ ماوەیەكی درێژ لە ریال مەدرید بم.
دەربارەی ئاستی بێڵینگهام گوتی:
هەموو رۆژێك پێكەوە راهێنان دەكەین، یاریزانێكی گەورەیە و چەندین گۆڵی كردووە، هیوادارم بەردەوام بێت لە هاوكاریكردنمان چونكە باشترین یاریزانی جیهانە.
ریال مەدرید بە كۆكردنەوەی 61 خاڵ لە پێشەنگی ریزبەندی لالیگا دێت و جیڕۆناش بە 56 خاڵ لە ریزبەندی دووەم دێت.
