یاریگا –
راپۆرتە رۆژنامەوانیەكان ئاشكرایانكرد یانەی ئیتیحادی سعودی ئامادەیە دووبارە هەوڵەكانی بخاتەوە گەڕ بۆ بەدەستهێنانی واژۆی محەمەد سەڵاحی میسڕی و ئەستێرەی یانەی لیڤەرپوولی ئینگلیزی.
گرێبەستەكەی محەمەد سەڵاح لەگەڵ لیڤەرپوول لە هاوینی ساڵی 2025 بەسەردەچێت.
When @MoSalah sliced straight through Arsenal 👑 pic.twitter.com/ZhuPPSDs6X
— Premier League (@premierleague) February 4, 2024
لە ماوەی گواستنەوەكانی هاوینی رابردوودا ئیتیحاد بە جدی هەوڵی بەدەستهێنانی تواناكانی ئەستێرە میسڕییەكەی دەدا و بۆ ئەو مەبەستەش 150 ملیۆن پاوەندی بۆ گواستنەوەی پێشكەشكرد، بەڵام گرێبەستەكە نەكرا و یاریزانەكە مانەوەی لە یانەكەی هەڵبژارد.
بەپێی زانیارییەكانی زە ئاتلێتیك، یانەی ئیتیحادی سعودی دەیەوێت ئۆفەرێكی گرانبەها پێشكەش بكات بەمەبەستی بەدەستهێنانی تواناكانی محەمەد سەڵاح.
هەمان سەرچاوە ئاشكرایكردووە، هەوڵەكانی یانە سعودییەكە بۆ بەدەستهێنانی تواناكانی محەمەد سەڵاح لە هاوینی داهاتوودا بەردەوام دەبێت و سەرچاوە نزیكەكانی ئیتیحاد ئاماژە بەوە دەكەن یانەكە هیوای لەدەست نەداوە و دووبارە هەوڵی بەدەستهێنانی دەداتەوە.
سەرچاوەكە ئاماژەی بەوەشكردووە، ئیتیحاد ئامادەیە بۆ بەدەستهێنانی تواناكانی گۆڵكارە میسڕیەكە بەهای 200 ملیۆن پاوەند پێشكەشی لیڤەرپوول بكات.
لە راپۆرتەكەشدا هاتووە، ئەگەر گرێبەستەكە رووبدات ئەوا سەڵاح دەبێتە گرانترین یاریزانی مێژووی تۆپی پێ، كە ئێستا بە ناوی نێیمارە بە 222 ملیۆن یۆرۆ.
ئاماژە بەوەشكراوە، یانە سعودییەكە ئامادەیە موچەی چوار بەرامبەر ئەو موچەیەی ئێستا محەمەد سەڵاح لەگەڵ لیڤەرپوول وەریدەگرێت پێشكەشی یاریزانەكە بكات.
🚨🚨🚨🚨🚨
مصادر قريبة من نادي #لاتحاد تؤكد ان النادي لم يفقد الامل بالتعاقد مع محمد صلاح
الاتحاد على استعداد لدفع 200 مليون باوند مقابل الحصول على اشهر لاعب عربي 💰🟡⚫️
(@TheAtlantic) pic.twitter.com/fbaceSQ5eA
— ITTI MANIA – اتي مانيا (@IttiMania) February 5, 2024
لەم وەرزەی پرێمەرلیگدا سەڵاح بەشداری لە 20 یاری كردووە و توانیویەتی 14 گۆڵ بكات و هەشت گۆڵیش درووست بكات.
