یاریگا –
بارسێلۆنا تواناکانی سێ یاریزانی سەرەکی تیپەکەی بۆ دەگەڕێتەوە.
رۆژنامەی ئاس بڵاویکردووەتەوە، تێرشتیگنی ئەڵمانی و گۆڵپارێزی بارسێلۆنا بۆ یاریی داهاتووی یانەکەی بەرامبەر بە گرانادا ئامادە دەبێت و دەگەڕێتەوە بۆ یاریکردن.
گۆڵپارێزە ئەڵمانییەکە لە ناوەڕاستی مانگی نۆڤێمبەری ساڵی رابردوو نەشتەرگەری بۆ کرا، بەو هۆیە 85 رۆژە لە یاریکردن دابڕاوە و لەو ماوەیەش ئیناکی پێنا شوێنی گرتووەتەوە.
Vuelve el ‘muro’ alemán: ¡Ter Stegen, titular ante el Granada! https://t.co/cmL1L8g1DM a través de @diarioas
— Javi Miguel Club (@fansjavimiguel) February 5, 2024
گەڕانەوەی شتیگن لەم کاتە هەواڵێکی دڵخۆشکەرە بۆ چاڤی هێرناندێزی راهێنەری یانەکە، بەوپێیەی قۆناخی شازدەی چامپیۆنزلیگ نزیکە و بارسا لە 21ـی مانگی شوبات رووبەڕووی ناپۆلی دەبێتەوە.
رۆژنامە ئیسپانییەکە ئاماژەی بەوەش کردووە، شتیگن تاکە یاریزان نابێت لەم هەفتەیە بگەڕێتەوە، هەریەکە لە رافینیای بەرازیلی و سێرجی رۆبێرتۆی ئیسپانیش لە پێکانەکانیان چاکدەبنەوە و بۆ یاریکردن ئامادە دەبن.
بەمشێوەیەش تەنیا 5 یاریزان لە لیستی یاریزانە پێکراوەکانی یانەکە دەمێننەوە، گاڤی و باڵدێ تا کۆتایی وەرز ناگەڕێنەوە، بەڵام جواو فێلیکس، فێران تۆرێس و مارکۆس ئاڵۆنسۆش بەر لە کۆتایی مانگی شوبات دەگەڕێنەوە.
👀 New faces at Sunday’s workout!
Hint: 🇩🇪🇧🇷 pic.twitter.com/UxcEaBrR9v
— FC Barcelona (@FCBarcelona) February 5, 2024
