بڕی ئەو پارەیەی ریاڵ لە سپۆنسەرە نوێیەکەی دەستی دەکەوێت… لەگەڵ ئەدیداس و فلای ئیمارات سێکوچکەیەکی پارەدارکردنی مێرەنگی پێک دەهێنن
یاریگا –
یانەی ریاڵ مەدرید سپۆنسەرێکی نوێ ڕادەگەیەنێت و سەرچاوەکانی هەواڵیش بڕی گرێبەستەکەی نێوانیان ئاشکرا دەکەن.
دوای ئەوەی چەند کاتژمێری ڕابردوو یانە شاهانەکە بە جۆرێک لە جۆرەکان هەودارانی وا تێگەیاند گرێبەستێکی نوێ ڕادەگەیەنن و هەموان وای بۆ چوون گواستنەوەی کیلیان مباپێ بێت لە کۆتا ساتەکانی بازاڕی گواستنەوەی زستانەدا، بەڵام دەرکەوت ڕێککەوتنیانە لەگەڵ کۆمپانیای زەبەلاحی hp ئەمریکی لە بواری تەکنەلۆژیای زانیاری ( IT ).
رۆژنامەی ئاسی ئیسپانی بڕە پارەی ڕێککەوتنی نێوانیانی ئاشکرا کردووە و باس لەوە دەکات ساڵانە کۆمپانیا ئەمریکیەکە بڕی ٧٠ ملیۆن یۆرۆ دەداتە شاهانەکان.
🚨 Real Madrid's new sponsor HP will be on the sleeve of the shirt and pay €70M a year, as much as Fly Emirates and with Adidas, the club will gain €250M a year from sponsorships.
(Source: AS)#DeadlineDay pic.twitter.com/j9dH8ZvtEF
— Transfer News Live (@DeadlineDayLive) February 1, 2024
ناوی سپۆنسەرە نوێیەکە دەچێتە سەر قۆڵی درێسی یانە مەدریدیدیەکە و، بەوەش هاوشانی ئەدیداس بۆ کەلوپەلە وەرزشیەکان و فلای ئیماراتی بواری فڕۆکەوانی سێکوچکەیەکەی پارەدارکردنی مەدریدیەکان پێک دەهێنن و بە هەرسێکیانەوە ساڵانە بڕی ٢٥٠ ملیۆن دەخەنە سەر خەزێنەکەی فلۆرێنتینۆ پێرێز.
