یاریگا –
كیلیان ئێمباپێ، ئەستێرەی فەڕەنسی یانەی پاریس سانجێرمانی هەمان وڵات وادەی راگەیاندنی داهاتووی خۆی ئاشكرا كرد.
گرێبەستەكەی كیلیان ئێمباپێ لەگەڵ پاریس سانجێرمان لە هاوینی ئەمساڵدا بەسەردەچێت.
🐢🛫Sabemos que Mbappé anunciará en Febrero que NO renovará con el PSG. Te lo cuenta @jfelixdiaz https://t.co/QPvEokqmbc pic.twitter.com/6XgJDNetOM
— MARCA (@marca) January 31, 2024
بەپێی زانیارییەكانی رۆژنامەی ماركای ئیسپانی، كیلیان ئێمباپێ مانگی شوباتی دیاری كردووە كە داهاتووی خۆی بۆ هەمووان رابگەیەنێت و ئاشكرای بكات كە لە كۆتایی وەرزدا ریزەكانی پاریس سانجێرمان جێدەهێڵێت.
هەمان سەرچاوە ئاشكرایكردووە، ریال مەدرید پێی وایە و دڵنیاییە لەوەی كە لە گواستنەوەكانی هاوینەدا گۆڵكارە فەڕەنسیەكە پەیوەندی بە ریزەكانی یانەكەیانەوە دەكات.
لە راپۆرتەكەی ماركاشدا هاتووە، یانە شاهانەكە ئامادەیە بۆ هەموو ئەگەرەكانی گونجاندنی هەریەك لە ڤینیسیۆس جونیۆر، كیلیان ئێمباپێ و جود بێڵینگهام.
لەم وەرزەدا و لە سەرجەم پاڵەوانیەتیەكاندا ئێمباپێ لە 27 یاریدا بەشداری كردووە و توانیویەتی 28 گۆڵ بكات و چوار گۆڵیش درووست بكات.
