یاریگا –
راپۆرتە رۆژنامەوانیەكانی ئیسپانیا سورپرایزێكی گەورەیان سەبارەت بە داهاتووی ڤینیسیۆس جونیۆر و ریال مەدرید ئاشكرا كرد.
گرێبەستەكەی ئێمباپێ لەگەڵ پاریس سانجێرمان لە هاوینی ئەمساڵدا بەسەردەچێت و تا ئێستا بڕیاری لەسەر داهاتووی خۆی نەداوە.
🚨 𝗩𝗜𝗡𝗜𝗖𝗜𝗨𝗦 🇧🇷 𝗣𝗢𝗨𝗥𝗥𝗔𝗜𝗧 𝗘̂𝗧𝗥𝗘 𝗩𝗘𝗡𝗗𝗨 𝗘𝗡 𝗖𝗔𝗦 𝗗'𝗔𝗥𝗥𝗜𝗩𝗘́𝗘 𝗗𝗘 𝗞𝗬𝗟𝗜𝗔𝗡 𝗠𝗕𝗔𝗣𝗣𝗘́ 🇫🇷 𝗔𝗨 𝗥𝗘𝗔𝗟 𝗠𝗔𝗗𝗥𝗜𝗗 !
C'est en tout cas ce que @sport révèle. Pour Florentino Perez, le joueur du PSG est le meilleur joueur du monde et Vinicius… pic.twitter.com/O2CAl5ym0X
— Actu Foot (@ActuFoot_) January 24, 2024
بەپێی زانیاریەكانی رۆژنامەی سپۆرت، ڤینیسیۆس جونیۆر ئەستێرەی بەڕازیلی یانەی ریال مەدریدی ئیسپانی پێی وایە كە لە ریال مەدرید دەستی لێ نادرێت و داهاتووی لەو یانەیە پارێزراوە.
هەمان سەرچاوە ئاماژەی بەوەشكردووە، رەنگە زووتر خۆری ڤینیسیۆس لە ریال مەدرید ئاوا بێت، زووتر لەوەی یاریزانەكە چاوەڕێ دەكات.
لە راپۆرتەكەی سپۆرتیشدا هاتووە، فلۆرینتینۆ پێرێز سەرۆكی یانەی ریال مەدریدی ئیسپانی بەو شێوەیە كە خۆی دەیەوێت یانەكە بەڕێوە دەبات، ئامانجی یەكەمیشی گواستنەوەی كیلیان ئێمباپێیە بۆ ریزەكانی یانەكەی، ئەگەر بەدەستیبهێنێت رەنگە ڤینیسیۆس جونیۆر بكاتە قوربانی.
لە كۆتایی راپۆرتەكەشدا هاتووە، پێرێز ئێمباپێ وەك ژمارە یەك دەبینێت، دەیەوێت تیپێكی نوێ درووست بكات.
گرێبەستەكەی ڤینیسیۆس جونیۆر لەگەڵ ریال مەدرید لە هاوینی ساڵی 2027 بەسەردەچێت.
