نەسر بۆ هێنانی یاریزانی نوێی بیانی، نزیکە لە بەڕێکردنی یەکێک لە بیانیەکانی ئێستای
یاریگا –
لە هەنگاوێکی نوێدا وەک خۆئامادەکردن بۆ وەرزی دادێ، یانەی نەسر دەیانەوێت خۆیان پڕچەکتر بکەن بە هێنانی یاریزانی دیکەی بیانی. بۆ ئەم مەبەستەیش دەستبەرداری یاریزانێکی ئێستایان دەبن.
بەگوێرەی زانیارییەکانی رودی گالێتی ڕۆژنامەنووس، نەسر خەریکە سیکۆ فۆفانا بەڕێ دەکەن و بۆ ئەو نیازەیش ئامادەن خۆیان نیوەی مووچەکەی بدەن بۆ تەواوکردنی ناردنە دەرەوەی بە خواستن. ئەو ڕۆژنامەنووسە دەشڵێت لە ئێستادا سێ یانە خواستی خۆیان بۆ گواستنەوەکە پیشان داوە.
🚨↩️ #AlNassr would like to make space in the foreign list by letting Seko #Fofana go on loan.
👀 The 🇸🇦 club is willing to cover even half of his salary to accelerate the possible transfer: 3 teams already showed their interest in the 🇨🇮 CM. 🐓⚽️ #Transfers pic.twitter.com/YsoqnccC4Y
— Rudy Galetti (@RudyGaletti) January 12, 2024
یاریزانە کۆت دی ڤواریەکە هاوینی ساڵی ڕابردوو بە گرێبەستێکی سێ ساڵی لە یانەی لێنسی فەرەنسیەوە و بە بەهای 25 ملیۆن یۆرۆ گواسترایەوە بۆ نەسر. بەڵام وا دیارە یانەکە دەیانەوێت سوود لە یاسا نوێیەکەی خولی سعودی وەربگرن کە ڕێگەی دا بە یانەکان ژمارەی یاریزانی بیانی بۆ 10 یاریزان بەرز بکەنەوە کە پێشتر ڕێگە بە هەشت یاریزان زیاتر نەدەدرا.
بەوەش، دەتوانن بە شوێنگرتنەوەی فۆفانا بە بیانیەکی نوێ، سێ یاریزانی دیکەی نوێ لە ڕیزەکانیان ببینن لە پاڵ دیارترین ئەستێرەکانی ئێستایان وەک کریستیانۆ ڕۆناڵدۆ، سادیۆ مانێ، برۆزۆڤیچ، ئێمریک لاپۆرت, ئۆتاڤیۆ، تالیسکا و ئەلێکس تێلیس.
