رۆبێرتۆ مانشینی چەند ئەستێرەیەک لە هەڵبژاردەی سعودیە دووردەخاتەوە
راهێنەرە ئیتاڵییەکە لە جامی ئاسیادا، پشت بە یاریزانی لاو دەبەستێت
یاریگا –
رۆبێرتۆ مانشینی، راهێنەری هەڵبژاردەی سعودیە لیستی کۆتایی تیمەکەی بۆ پاڵەوانیەتی جامی نەتەوەکانی ئاسیا راگەیاند.
ئەمڕۆ یەکشەممە، سەوزپۆشەکان کەمپێکی مەشقی ئامادەکاری لە قەتەڕ دەستپێدەکەن و چەند یارییەکی دۆستانە دەکەن.
هەڵبژاردەی سعودیە لە کۆمەڵەی شەشەمی جامی ئاسیایە و رووبەڕووی هەڵبژاردەکانی عومان، کیرگیزستان و تایلاند دەبێتەوە.
ماشینی ژمارەیەک یاریزانی بەناوبانگی لە لیستی کۆتایی دوورخستووەتەوە، لە نێویاندا سوڵتان غەنام، ئەستێرەی باڵی چەپی یانەی نەسڕ.
هەروەها مانشینی سەلمان فەرەج، کاپتنی هیلال و محەمەد مجەحد، یاریزانی ئەهلی و یاسر شەهرانی، بەرگریکاری هیلال و محەمەد برێکی بەرگریکاری هەمان یانە لە لیستی کۆتایی دوورخستووەتەوە.
لە بەرامبەردا مانشینی ژمارەیەک یاریزانی لاوی وەک فەیسەڵ غامدی، ناوەڕاستکاری ئیتیحاد بانگهێشت کردووە.
هەڵبژاردەی سعودیە وەک ئامادەکاری سێ یاری دۆستانە بەرامبەر هەڵبژاردەکانی لوبنان، فەڵەستین و هۆنگ کۆنگ دەکات.
غـــدًا!
تبدأ المرحلة الأخيرة من برنامج الإعداد لـ #كأس_آسيا2023 🦅— إليكم قائمة @robymancio لمعسكر سيلين 📋⬇
🔗 https://t.co/UHlHDOdcj6 . pic.twitter.com/sgJtnbrvbd— المنتخب السعودي (@SaudiNT) December 30, 2023
لیستی یاریزانان
گۆڵپارێزان: نەواف عگێدی، محەمەد یامی، راغد نەجار، ئەحمەد کەسار
بەرگریکاران: حەسەن کادش، عۆن سلوولی، عەلی بلێهی، عەلی لاجامی، حەسان تمبەکتی، سعود عەبدولحەمید، فەواز سقوور
ناوەڕاستکاران: ئەیمەن یەحیا، عەلی هەزازی، عەبدوڵا خەیبەری، موختار عەلی، عەبدولئیلا مالیکی، فەیسەڵ غامدی، عید موەلد، سالم دۆسەری، عەباس حەسەن، ناسڕ دۆسەری، محەمەد کنۆ، سامی نەجعی، فەهد موەلد، خالید غەنام، عەبدولڕەحمان غەریب
هێرشبەران: محەمەد مەران، فیراس برێکان، عەبدوڵا ردیف، ساڵح شهری
