بە فەرمی کارلۆ ئانچێلۆتی گرێبەستەکەی نوێکردەوە
یاریگا –
بە فەرمی کارلۆ ئانچێلۆتی گرێبەستەکەی لەگەڵ یانەی ریال مەدرید نوێکردەوە.
بەشێوەیەکی فەرمی یانەی ریال مەدرید رایگەیاند، لەگەڵ کارلۆ ئانچێلۆتی ئیتاڵی گەیشتوونەتە رێککەوتن، گرێبەستی راهێنەرەکەیان تا هاوینی 2026 نوێکردووەتەوە.
Comunicado Oficial: renovación de Carlo Ancelotti.#Ancelotti2026 | #RealMadrid
— Real Madrid C.F. (@realmadrid) December 29, 2023
نوێکردنەوەی گرێبەستەکەی کارلۆ لە کاتێکدایە، هەڵبژاردەی بەڕازیل هیوای وابوو لە کۆتایی ئەم وەرزە ئەو راهێنەرە ئیتاڵییە بکەن بە راهێنەری هەڵبژاردەی وڵاتەکەیان.
بەڵام فلۆرێنتینۆ پێرێز و ئیدارەی یانە ئیسپانییەکە ئامادە نەبوون دەستبەرداری ببن، ئەمەش گورزێکی کوشندەیە بۆیان، بەوپێیەی نزیکەی 7 مانگ ماوە بۆ دەستپێکی یارییەکانی کۆپا ئەمریکای 2024، بۆیە سامبا پێویستە بکەوێتە خۆی و بە زووترین کات راهێنەرێک بۆ هەڵبژاردەکەی بدۆزێتەوە.
ئانچێلۆتی لە دوو ویلایەتی جیاواز و لە 260 یاریدا راهێنەرایەتی ریال مەدریدی کردووە، 189 یاری بردووەتەوە، 33 یاری یەکسانبووە و 38 یاریشی دۆڕاندووە.
2 نازناوی چامپیۆنزلیگ، 1 نازناوی لالیگا، 2 نازناوی جامی جیهانی یانەکان، 2 نازناوی جامی سوپەری ئەوروپا، 2 نازناوی جامی شای ئیسپانیا و نازناوێکی جامی سوپەری ئیسپانیای لەگەڵ یانەکە بەدەستهێناوە.
✨ @MrAncelotti ✨
🙌 #Ancelotti2026 🙌 pic.twitter.com/VR0yRovJL3— Real Madrid C.F. (@realmadrid) December 29, 2023
