لە وەرزشەوە بۆ بازرگانی… سەروەتەکەی فلامینی 40 هێندەی رۆناڵدۆیە!
وەرچەرخانێکی گەورە لە ژیانی ماتیۆ فلامینی
یاریگا –
ئەستێرەکانی پریمەرلیگ داهاتێکی زۆر لە بوارەکەیان وەردەگرن، بەڵام کەمن ئەوانەیان روویان کردبێتە بواری بازرگانیی و هێندەی ماتیۆ فلامینی ئەستێرەی پێشووی ئارسیناڵ سەرکەوتوو بووبێت لە رووی دەستکەوتنی داهاتەوە.
فلامینی فەرەنسی دوو ماوەی جیاواز خزمەتی درێسی گەنەرزی کرد لە ماوەی 2004-2008 و، 2013-2016. بەڵام ڕێڕەوە بازرگانییەکەی ئەوکاتەبوو کە یەکەم جار پەیوەندی کرد بە ئەیسی میلانەوە لە ساڵی 2008 و لەگەڵ هاوپشکەکەی کە دەرچوویەکی کۆلێژی بازرگانی بوو، کۆمپانیایەکیان دامەزراند بە ناوی GF Biochemicals بۆ بواری پیشەسازی وزە.
پێگەی Mail Onlineی بەریتانی لە پێگەی X بڵاوی کردووەتەوە کە ئێستا سامانی فلامینی گەشتووەتە 21 ملیۆن پاوەند. ئەوەش واتا زیاتر لە 40 هێندەی داهاتی کریستیانۆ رۆناڵدۆ کە داهاتەکەی 500 ملیۆنە.
The former Arsenal man is worth an insane amount of money 💰💰💰
Read more: https://t.co/xIzXD0OgIp pic.twitter.com/97st2wuSDE
— Mail Sport (@MailSport) December 23, 2023
کۆمپانیاکە کە لەوەتەی ساڵی 2008 تا ئێستا، ملیۆنانی لە وەبەرهێنانی لێکۆڵینەوە و ئەزموون و ژێرخان و پارەی فەرمانبەران بەگەڕ خستووە ترشی لیفولینیک کە جێگرەوەی زەیتی پیشەسازیە و لە پاشماوەی ڕووەک و گەنمەشامی دروست دەکرێت.
