یاریگا –
راپۆرتە رۆژنامەوانیەكانی ئیسپانیا ئاشكرایانكرد، یانەی بایرن میونشنی ئەڵمانی بێ هیوا نەبووە لە بەدەستهێنانی تواناكانی رۆناڵد ئاراوخۆی ئۆرۆگوایی و ئەستێرەی یانەی بارسێلۆنای ئیسپانی.
گرێبەستەكەی ئاراوخۆی 24 ساڵان لەگەڵ بارسێلۆنا لە هاوینی ساڵی 2026 بەسەردەچێت و بڕی هەڵوەشاندنەوەی گرێبەستەكەشی یەك ملیار یۆرۆیە.
Air Araujo pic.twitter.com/78RjDdX1lt
— FC Barcelona (@FCBarcelona_cat) July 12, 2023
لە ماوەی رابردوودا زۆربەی سەرچاوەكان باسیان لە خواستی یانەی بایرن میونشنی ئەڵمانی بۆ گواستنەوەی رۆناڵد ئاراوخۆ لە گواستنەوەكانی زستانەدا دەكرد، بەڵام یانە كەتەلۆنییەكە نایەوێت دەستبەرداری ئەستێرەكەی ببێت.
بەپێی زانیارییەكانی رۆژنامەی سپۆرت، بایرن میونشن بیرۆكەی گواستنەوەی بەرگریكارە ئینگلیزیەكەیی لە زستاندا دوورخستەوە و بەڵام دەیەوێت لە كۆتایی وەرزدا و لە گواستنەوەكانی هاوینەدا بە جدی هەوڵی گواستنەوەی بدات.
هەمان سەرچاوە ئەوەشی ئاشكرا كردووە، یانە ئەڵمانییەكە دەیەوێت گفتۆگۆكانی لەگەڵ یانە كەتەلۆنییەكە دەست پێ بكات و ئۆفەرێكی رەتنەكراوەی بۆ دەستبەرداربوون لە ئاراوخۆ پێشكەش بكات.
ئاراوخۆ لەم وەرزەی لالیگادا بەشداری لە 11 یاریدا كردووە و توانیویەتی گۆڵێك بكات.
