یاریگا –
کارلۆ ئانچێلۆتی ئیتاڵی بوو بە خاوەنی زۆرترین بردنەوە لەگەڵ ریال مەدرید لە چامپیۆنزلیگ.
شەوی رابردوو لە یارییەکانی گەڕی شەشەمی قۆناخی کۆمەڵەکانی خولی یانە پاڵەوانەکانی ئەوروپا، ریال مەدرید بووە میوانی یونیەن بەرلینی ئەڵمانی و یارییەکەی 3-2 بردەوە.
بەم سەرکەوتنەش ژمارەی بردنەوەکانی ئانچێلۆتی لەگەڵ ریال مەدرید بوو بە 42 بردنەوە لە 56 یاری پاڵەوانێتییەکەدا، کارلۆ توانی ریکۆردەکەی میگێل مۆنیوز بشکێنێت و بوو بە خاوەنی زۆترین بردنەوە بۆ یانە ئیسپانییەکە لە چامپیۆنزلیگدا.
مێرێنگی لە قۆناخی کۆمەڵەکانی ئەم وەرزەی چامپیۆنزلیگ 6 یاری ئەنجامدا، هەر 6 یارییەکەی بردەوە، بە کۆکردنەوەی 18 خاڵ و بە پێشەنگی کۆمەڵەکەی خۆی گەیاندە قۆناخی داهاتوو.
