یاریگا –
جود بێڵینگهام، ئەستێرەی هەڵبژاردەی ئینگلتەرا و یانەی ریال مەدریدی ئیسپانی بەردەوامە لە درەوشاندنەوە لەگەڵ یانە نوێیەكەی.
لە گواستنەوەكانی هاوینەدا جود بێڵینگهام بە بەهای 103 ملیۆن یۆرۆ لە ریزەكانی بۆرووسیا دۆرتمۆندەوە پەیوەندی بە ریال مەدریدەوە كرد.
گرێبەستەكەی جودی لەگەڵ ریال مەدرید لە هاوینی ساڵی 2029 بەسەردەچێت .
➡️ El líder empata en el Benito Villamarín.#RealBetisRealMadrid
— Real Madrid C.F. (@realmadrid) December 9, 2023
شەوی رابردوو ریال بێتیس لە یاریگای بێنیتۆ ڤیامارینی تایبەت بە خۆی میوانداری ریال مەدریدی كرد و یارییەكەش بە ئەنجامی گۆڵێك بۆ هەردوولا كۆتایی هات، لە میانی یارییەكانی هەفتەی شازدەی خولی ئیسپانیا.
تاكە گۆڵەكەی ریال مەدرید لەلایەن جود بێڵینگهامەوە تۆمار كرا و بەوەش ژمارەیەكی كریستیانۆ رۆناڵدۆی یەكسان كردەوە، وەك تاكە یاریزان لە مێژووی یانە شاهانەكەدا لە چواردە یاری سەرەتایی خۆیاندا بتوانن 12 گۆڵ بكەن.
جود بێڵینگهام لەم وەرزەی لالیگادا لە كۆی 14 یاری بۆ یانە شاهانەكە توانیویەتی 12 گۆڵ بكات و دوو گۆڵیش درووست بكات.
