یاریگا –
جود بێڵینگهام، ریکۆردێکی دیکەی لەگەڵ ریال مەدرید شکاند، ئەمەش دوای پێنجەم بردنەوەی یانە ئیسپانییەکە لە خولی یانە پاڵەوانەکانی ئەوروپای ئەم وەرزە.
ئەستێرەی ئینگلیزی بووە یەکەم یاریزان لە چوار یاری یەکەمی خولەکانی ئەوروپادا گۆڵ بکات، ئەمەش ریکۆردێکی نوێیە و بێڵی لە دوای زنجیرەیەک ریکۆردی دیکە، شکاندی.
JB5 🏆 MVP#UCL pic.twitter.com/2ObEGnsn5V
— Real Madrid C.F. (@realmadrid) November 29, 2023
بێڵینگهام جیا لە گۆڵێک، ئەسیستێکی لە یاری شەوی رابردووی بێرنابیۆ هەبوو، کە بە ئەنجامی 4-2 لە ناپۆلی بردەوە.
کارلۆ ئانچێلۆتی، راهێنەری مەدرید یەکێکە لە گەورەترین شەیدایانی بێڵینگهام، لە دوای یارییەکە بە MoviStar Plusی گوت
بێڵینگهام یاریزانێکی نائاساییە لە چوونە نێو ناوچەی سزا، وەک ئەوەی سواری مۆتۆرسکیڵێک بیت، دەچێتە نێو ناوچەی لێدانی سزا. هەمووان شۆک بوون، چونکە کەس پێشبینی ئەم خۆگونجاندنە خێرایەی نەدەکرد. بێڵینگهام هاندەران، هاوتیمەکان و رکابەرانی شۆک دەکات.
لەم وەرزەدا، بێڵینگهام لە کۆی 16 یاریدا 15 گۆڵ و چوار ئەسیستی هەیە.
