ئێرلینگ هالاند بەردەوامە لە شكاندنی ژمارە پێوانەییەكان

یاریگا –

ئێرلینگ هالاند، ئەستێرەی هەڵبژاردەی نەرویج و یانەی مانچێستەر سیتی ئینگلیزی بەردەوامە لە تۆماركردنی ژمارە پێوانەییەكان دوای ئەو گۆڵەی لە لایپزیگی كرد.

شەوی رابردوو مانچێستەر سیتی لە یاریگای ئیتیحادی تایبەت بە خۆی میوانداری لایپزیگی كرد و یارییەكەشی بە ئەنجامی سێ گۆڵ بەرامبەر دوو گۆڵ لێ بردەوە، لە میانی یارییەكانی گەڕی پێنجەمی قۆناخی كۆمەڵەكانی خولی یانە پاڵەوانەكانی ئەوروپا.

گۆڵەكانی سیتیزن لەلایەن ئێرلینگ هالاند لە خولەكی 54 و فیل فۆدن لە خولەكی 70 وجولیان ئالڤارێز لە خولەكی 87 تۆمار كران.

What an achievement, @ErlingHaaland! 👏 pic.twitter.com/8n4GBx9Lse

— Manchester City (@ManCity) November 28, 2023

بەو گۆڵە هالاند بوو بە خێراترین و بچوكترین یاریزان بگاتە گۆڵی ژمارە 40 لە خولی یانە پاڵەوانەكانی ئەوروپا، لە دوای 35 یاری و لە تەمەنی 23 ساڵ و چوار مانگ و دە رۆژ.

هالاند بە كردنی پێنج گۆڵ و شانبەشانی هەریەك لە راسموس هۆیلوند و ئەلڤارۆ مۆراتا لە پێشەنگی گۆڵكارانی چامپیۆنزلیگ دێت.