یاریگا –
ئاهەنگگێڕانە تایبەتەکەی کریستیانۆ رۆناڵدۆ، یاریگاکانی دوور لە تۆپی پێش داگیر دەکات.
لە خولی نیشتمانی تۆپی پێی ئەمریکا ‘رەگبی’، زای فڵاوەرس، ئەستێرەی یانەی باڵتیمۆر رەیڤنس لەسەر شێوازی ‘سوو – Sui’-ی تایبەت بە رۆناڵدۆ، ئەستێرەی پۆرتوگالی و نەسڕی سعودی، ئاهەنگیگێڕا.
زای فڵاوەرس لە دوای تۆمارکردنی خاڵ، هاوشێوەی لێدانی سزای تۆپی پێ، شوتێکی ئاڕاستە کرد و لەسەر شێوازی کریستیانۆ ئاهەنگی گێڕا.
An unreal celebration night for Zay Flowers ⚽️
📺: #BALvsLAC on NBC
📱: Stream on #NFLPlus https://t.co/4A9GOmQsZC pic.twitter.com/cMkx1CCbrG— NFL (@NFL) November 27, 2023
هەرچەندە زای فڵاوەرس خەڵکی ناوچەی فۆرت لاودێردەیڵە، ئەو ناوچەیەی یانەی ئینتەر مەیامی لێیە و دەبووایە هاندەری لیۆنێل مێسی بووایە زیاتر لە رۆناڵدۆ، بەڵام ئەستێرە 23 ساڵییەکە زیاتر بە جادووی رۆناڵدۆ سەرسامە.
لاساییکردنەوەی شێوازی ئاهەنگگێڕانی یاریزانانی تۆپی پێی لە تۆپی پێی ئەمریکی بووەتە شتێکی باو، پێشتر ئالێن لازارد، یاریزانی گرین بای پاکەرس لە ساڵی 2022 هاوشێوەی ئێرلینگ هالاند، ئەستێرەی مانچێستەر سیتی، ئاهەنگیگێڕا.
A laser to Lazard for the @Packers TD! #GoPackGo
📺: #NYGvsGB on @NFLNetwork
📱: Stream on NFL+ https://t.co/miBTGIf2La pic.twitter.com/tUuWTy2fd5— NFL (@NFL) October 9, 2022
رۆناڵدۆ لەم وەرزەدا ئاستێکی نموونەیی لەگەڵ نەسڕ پێشکەش دەکات، تاوەکو ئێستا 24 گۆڵی کردووە.
