هاوشێوەکەی رۆناڵدۆ لە تیپی خانمانی نەسر
یاریگا –
کلارا لۆفانگا، هێرشبەرە تانزانیاییەکەی یانەی نەسری سعودی، دوای 5 هەفتە وەکوو گۆڵکاری خولی نایابی ئافرەتانی سعودیە هەڵبژێردراوە.
لۆفانگا لە خولەکەکانی 3 و 70 دا دوو گۆڵی بەرامبەر یانەی ئەهلی تۆمارکرد، ئەمەش بووە هۆی سەرکەوتنی تیپی ئافرەتانی نەسر لە هەفتەی پێنجەمدا.
لۆفانگا خەڵکی تانزانیایە، بە خێرایی و هێزی لێدانەکانی، سەرکەوتوو بووە لە زاڵبوون بەسەر هێڵی بەرگری رکابەرەکانیان بە تایبەتی یانەی ئەهلی کە لەسەرەتای وەرزەوە تەنها یەکجار گۆڵەکەیان کرابۆوە.
Clara Luvanga ameendelea kung’ara katika Ligi ya soka ya Wanawake Saudia. #claraluvanga anayekipiga Alnassr ametupia mabao 2 kwenye Ushindi wa Goal 3-0 dhidi ya Al-Ahli katika mchezo wa Ligi Kuu ya Wanawake nchini Saudia.
Amefikisha Magoli 6 Msimu huu.#KitengeSports pic.twitter.com/BG7fm0LTYP
— Maulid Kitenge (@mshambuliaji) November 19, 2023
ئەم دوو گۆڵە بووە هۆی ئەوەی ژمارەی گۆڵەکانی لوفانگای تەمەن 18 ساڵ بکاتە 6 گۆڵ لە 5 یاریدا.
نەسر لە گواستنەوەی هاوینەدا گرێبەستی لەگەڵ ئەستێرەکەی تانزانیا واژۆکرد دوای ئەوەی لە یارییەکانی هەڵبژاردەی نیشتمانیدا ئاستێکی بەرچاوی پێشکەش کردبوو کە تیایدا گۆڵکاری پاڵاوتنەکانی ئەفریقا بۆ مۆندیالی 2022ی ئافرەتان بوو بە تۆمارکردنی 10 گۆڵ.
یانەی نەسری ئافرەتان لە کۆی 5 یاریدا توانییویەتی 15 خاڵ کۆ بکاتەوە و لە پێشەنگی رێزبەندی خۆلی تۆپی پێێ ئافرەتانی سعودیەوە دێن.
