ریێس جەیمس سەردانی ئەو هاندەرەی کرد لە یاریی مان سیتی ’20 خولەک مرد و زیندوو بووەوە’
جەڵتەی دڵ لێیدا و بووە هۆی وەستانی یارییەکە
ریێس جەیمس بەرگریکاری چێڵسی سەردانی ئەو هاندەرەی کرد، لە یاریی لوتکەی چێڵسی و مانچێستەر سیتی ’20 خولەک مرد و زیندوو بووەوە’.
ریێس جەیمس لە سۆشیاڵ میدیا بڵاویکردووەتەوە، سەردانی مات ئیکلینیکا هاندەری یانەکەی کردووە، کە لە دوایین یاریی بلووز لە پرێمەرلیگ لەناو یاریگای ستامفۆرد بریدج جەڵتەی دڵ لێدا و بۆ ماوەی 20 خولەک هۆشی لەدەست دا و بەپەلە گەیەنرایە نەخۆشخانە.
Reece James 💙 pic.twitter.com/V6uiV06njX
— Frank Khalid OBE (@FrankKhalidUK) November 17, 2023
ریێس جەیمس لەبارەی سەردانەکەی بۆ نەخۆشخانە نووسیویەتی :’ئەمشەو سەردانی هاندەرێکی یانەکەمانم کرد کە لە یاریی بەرامبەر مان سیتی بۆ ماوەی 20 خولەک دڵی لە لێدان کەوت، بەڵام دواتر پزیشکەکان توانیان دڵی بخەنەوە کار و ژیانی رزگار بکەن، پیاوێکی ئازایە و خێزانێکی جوانی هەیە، زۆر دڵخۆشم بەوەی بە تەواوەتی چاکبووەتەوە’.
لە دوایین گەڕی ئەم وەرزەی پرێمەرلیگ، چێڵسی و مانچێستەر سیتی لە یاریگای ستامفۆرد بریدج 4-4 یەکسان بوون، سێ جار بلووز لە ئەنجامی یارییەکە دواکەوت، بەڵام لە دوایین خولەکەکان چێڵسی گۆڵی یەکسانبوونی کرد.
