یاریگا –
راپۆرتە رۆژنامەوانیەكانی ئیتاڵیا داهاتووی جۆزێ مۆرینیۆی پۆرتوگالی و راهێنەری یانەی رۆمایان ئاشكرا كرد.
گرێبەستەكەی مۆرینیۆ لەگەڵ گورگەكانی رۆما لە هاوینی ساڵی 2024 بەسەردەچێت و تا ئێستا هیچ زانیاریەكی لەبارەی داهاتووی ئاشكرا نەكردووە.
Mourinho: “È dal momento in cui siamo arrivati a questa finale che vogliamo giocarla”#ASRoma #UELfinal pic.twitter.com/jRocDgaPTc
— AS Roma (@OfficialASRoma) May 30, 2023
بەپێی زانیاریەكانی تۆڕی فوتبۆڵ ئیتاڵیا مۆرینیۆ هەڵوێستی خۆی سەبارەت بە مانەوەی لە رۆما یەكلا كردەوە، راهێنەرە پۆرتوگالیەكە بە ئاشكرا خواستی خۆی بۆ نوێكردنەوەی گرێبەستەكەی رادەگەیەنێت.
ئاماژە بەوەشكراوە، جۆزێ لە میانی چاوپێكەوتنێكیدا لەگەڵ كەناڵی رای ئیتاڵی، كە وا بڕیارە هەفتەی داهاتوو بڵاو بكرێتەوە ئەوە رادەگەیەنێت.
هەروەها پێگەی كالچیۆ مێركاتۆ ئاشكرایكردووە، تا ئێستا هیچ گفتۆگۆیەكی فەرمی لە نێوان مۆرینیۆ و بەرپرسانی رۆمادا نەكراوە سەبارەت بە نوێكردنەوەی گرێبەستەكەی.
لە گواستنەوەكانی هاوینی رابردوودا یانە سعودیەكان بە چڕی هەوڵی گواستنەوەی مۆرینیۆیان دەدا و چەندین ئۆفەریان پێشكەشكرد، بەڵام راهێنەرە پۆرتوگالیەكە سەرجەمیانی رەتكردەوە و مانەوەی لە رۆما هەڵبژارد.
