ئەمجەد عەتوان ناوەڕاستکاری یانەی زاخۆ بەهۆی پێکانەوە بەشداریی یارییەکانی هەڵبژاردەی عێراق لە پاڵاوتنەکانی مۆندیال ناکات.
فیدراسیۆنی تۆپی پێی عێراق لە راگەیاندراوێکیدا رایگەیاندووە، ئەمجەد عەتوان تووشی پێکان بووە و لە یارییەکانی پاڵاوتنەکانی ئاسیا بۆ مۆندیالی 2026 بێبەش دەبێت، ئەمڕۆ بەرامبەر ئیندۆنیسیا بێبەش دەبێت و بۆ یارییەکەی ڤێتنامیش لەگەڵ شێرەکانی رافیدەین گەشت ناکات.
فیدراسیۆنی تۆپی پێی عێراق ئاشکرایکردووە، پێکانەکەی ناوەڕاستکارەکەی یانەی زاخۆ مەترسیدار نییە، بەڵام خیسۆس کاساس راهێنەری هەڵبژاردەی عێراق ئامادە نییە سەرکێشی پێبکات و بڕیاریداوە پشوو بەو یاریزانە بدات.
ئەمجەد عەتوان لە لێدوانێکی لەبارەی پێکانەکەی رایگەیاندووە:’هیوادارم بە زووترین کات چاک ببەمەوە لە پێکانەکەم، بەڵام پێویست بە دوودڵی ناکات من باشم، بۆ پشتیوانی و هاندانی هەڵبژاردەکەشم ئامادە دەبم’.