یاریگا –
یانەی چێڵسی ئینگلیزی دیارییەكی گرانبەهای پێشكەشی یانەی ئارسیناڵی ئینگلیزی كرد، دوای بردنەوەكەی شەوی رابردوویان بەرامبەر تۆتنهام.
تۆتنهام لە یاریگای خۆیدا میوانداری چێڵسی كرد و یارییەكەش بە ئەنجامی چوار گۆڵ بەرامبەر گۆڵێك لە بەرژەوەندی یانەی میوان كۆتایی هات.
Three away #PL wins on the spin! 💪#TotChe pic.twitter.com/LU9fv5y4Fk
— Chelsea FC (@ChelseaFC) November 6, 2023
گۆڵەكانی چێڵسی لەلایەن نیكۆلاس جاكسن سێ گۆڵ و كۆل پالمەر گۆڵێك تۆمار كران و تاكە گۆڵەكەی تۆتنهام لەلایەن كۆلۆسێڤسكی تۆمار كرا.
لەو یارییەدا هەریەك لە یاریزانانی تۆتنهام كریستیان رۆمێرۆ وئینیۆما یودۆگی بە كارتی سوور كرانە دەرەوە و سپێرز بە 9 یاریزانەوە یارییان دەكرد.
بەوەش چێڵسی لەم وەرزەدا تۆتنهامی تووشی یەكەم دۆڕاندن كرد و دەستكەوتە مێژوویەكەی ئارسیناڵ بۆ وەرزێكی دیكە پاراست.
𝐀𝐧𝐝 𝐬𝐭𝐢𝐥𝐥.
Arsenal 2003-04 are the Premier League's only Invincibles 😏 pic.twitter.com/AoBw6oKESX
— B/R Football (@brfootball) November 6, 2023
ئارسیناڵ بەتاكە یانە لە مێژوودا دادەنرێت كە بە بێ هیچ دۆڕاندنێك نازناوی جامی زێڕینی پرێمەرلیگی بەدەستهێنابێت.
لە وەرزی 2003/2004 ئارسیناڵ توانی بە راهێنەرایەتیكردنی ئارسێن ڤینگەر پرێمەرلیگ بباتەوە بە بێ ئەوەی تووشی هیچ شكستێك ببێت كاتێك لە 38 یاری لە 26 یاری براوە بوون و لە 12 یاریش یەكسان بوون.
بەو بردنەوەیەی شەوی رابردوو چێڵسی كۆی خاڵەكانی بۆ 15 خاڵ بەرز كردەوە و لە ریزبەندی دەیەمی پرێمەرلیگ دێت.
