چاڤی: منیش تووشی شۆک بوومە
یاریگا
چاڤی راهێنەری بارسێلۆنا لە کۆنگرەی رۆژنامەوانی پێش یاریی کلاسیکۆ بەرامبەر ریال مەدرید باسی لە بارودۆخی پێکانی یاریزانەکانی کرد.
چاڤی لەبارەی گەڕانەوەی لیڤاندۆڤسکی و بارودوخی یاریزانەکانی دیکە گووتی
منیش تووشی شۆک بووم، ئەو یاریزانانەی کە بێ هیوابووین لێیان، هێشتا دەیانەوێت لەگەڵمان بن و هەست بە باشتر بوون دەکەن. سبەی بڕیار دەدەین. دەبێت چاوەڕێی لیستی سبەی بین تا بزانین چۆن دەبێت. زۆر نایاب و سەرنجڕاکێشە کە هەمووان دەیانەوێت بەشێک بن لە تیمەکە. لیڤاندۆڤسکی؟ باشە، هیچ شتێکتان پێ ناڵێم دەربارەی پێکهاتە یان هیچ ئاماژەیەک لەسەر بڕیارەکانی سبەی. لێڤا باشە و سبەی بڕیار دەدەین. پێدری؟ هەموو کەسێک هەستێکی خۆشی هەیە و دەیەوێت لەگەڵ تیپەکەدا بێت، بەڵام ستافی تەکنیکی و پزیشکەکان یاریزانێک ناچار ناکەن هیچ کارێک بکات. ئەوان لەبەر پابەندبوون و ویژدان دەیانەوێت لەگەڵمان بن
کانسێلۆ یان ئاراوخۆ؟ کامیان لەلای ڕاست بۆ وەستاندنی ڤینیسیۆس بەکاردێنیت؟
ئێمە کانسێلۆمان هەیە بۆ ئەوەی ڤینیسیۆس بوەستێنێت. ئەمە پۆستی سەرەکی ئەوە و سبەی دەیبینین. چەند بژاردەیەکمان لەبەردەمدایە، سبەی بڕیار دەدەین
سەبارەت بە ناوبژیوانی یاریی؟
وا دیارە کۆمپیوتەر ناوبژیوان دیاری دەکات و تا کەمتر لەسەری بگوترێ باشترە، ئەمەیان لەسەر شێوازی تیروپشکە، ئایا من ڕاست دەکەم؟ هەمیشە وتوومە کە باوەڕم بە ڕاستگۆیی دادوەرەکان هەیە
بێلینگهام و جواو فێلیکس؟
هەردووکیان وەکو یەکتری گرنگن بۆ تیپەکانیان. هەردووکیان دەتوانن کاریگەر و یەکلاکەرەوە بن بۆ تیپەکانیان و ئەوانیش هەروا. هیوادارم سبەی جواو لە جود کاریگەرتر بێت
یاریزانە لاوەکان؟
ئەوانەی باشترن یاری دەکەن و ئەوانەی 100% ئامادەن یاریی دەکەن. هەبوونی یاریزانانی ئەکادیمیا شتێکی ئەرێنییە چونکە هەست بە پابەندبوون دەکەن بە یانەکەوە و دەزانن لەبەرکردنی ئەم درێسە مانای چییە. زۆر خۆشە یاریزانانی لاماسیا هەبن چونکە ئەوان زانیاریان لەسەر ئەم ڕکابەرییە لەمێژینە و گرنگییەکانیان هەیە
بڕیارە سبەی شەممە کاتژمێر 17:15 ئێوارە بە کاتی هەولێر، بارسێلۆنا لە گەڕی یازدەی لالیگا میوانداری ریال مەدرید بکات.
