یاریگا –
فێدراسیۆنی نێودەوڵەتی تۆپی پێ ” فیفا ” نوێترین ریزبەندی باشترین هەڵبژاردەکانی جیهانی بۆ مانگی رابردوو بڵاوکردەوە و هەڵبژاردەی ئەرجەنتین لە پێشەنگ مایەوە.
لە ریزبەندییەکەی فیفا هیچ گۆڕانکارییەک لە 5 پلەی پێشەوە رووینەداوە، ئەرجەنتین پلەی یەکەمی گرتووە، بەڕازیل پلەی دووەم و فەڕەنساش پلەی سێیەم، ئینگڵتەڕا لە پلەی چوارەم و بەلجیکا لە پلەی پێنجەمی ریزبەندییەکەی گرتووە.
پۆرتوگال دوو پلە هاتووەتە پێشەوە و پلەی شەشەمی گرتووە، دوای ئەویش هۆڵەندا پلەی حەوتەمی گرتووە، ئیسپانیاش دوو پلە هاتووەتە پێشەوە و پلەی هەشتەمی گرتووە.
ئیتاڵیا لە پلەی نۆیەم ماوەتەوە، کڕواتیاش چوار پلە پاشەکشەی کردووە و دابەزیووە بۆ پلەی دەیەمی ریزبەندییەکە.
هەڵبژاردەی عێراقیش پلەی 68ـی گرتووە، لەناو هەڵبژاردەکانی کیشوەری ئاسیاش لە پلەی حەوتەم دێت.
کلیک بکەن بۆ بینینی تەواوی ریزبەندییەکە
