مانچێستەر یونایتد 90 ملیۆنی بۆ گواستنەوەی یاریزانیك داناوە
یاریگا –
راپۆرتە رۆژنامەوانیەكان ئاشكرایانكرد یانەی مانچێستەر یونایتدی ئینگلیزی دەیەوێت هێڵی هێرشبردنی یانەكەی پتەوتر بكات.
شەیتانە سوورەكان بەهۆی خراپی ئەنجامەكانیانەوە دەناڵێنن لەم وەرزەدا و بە جۆرێك بە كۆكردنەوەی 12 خاڵ لە ریزبەندی دەیەمی پرێمەرلیگ دێن.
📈 Manchester United are reportedly willing to spend as much as €90m to land Lois Openda in 2024, amid claims Erik ten Hag is 'obsessed' with the RB Leipzig striker.
How do you rate the Belgian? 🔴⚫#MUFC https://t.co/lLOV3M8fnI
— TEAMtalk (@TEAMtalk) October 14, 2023
بەپێی زانیارییەكانی تۆڕی سپۆرت سكیدا مانچێستەر یونایتد بەهای 90 ملیۆن یۆرۆی بۆ گواستنەوەی لویس ئۆپێندای بەلجیكی و هێرشبەری یانەی لایپزیگی ئەڵمانی داناوە.
ئاماژە بەوەشكراوە، هەڵبژاردنی ئۆپێندا لەسەر داواكاری ئێریك تێن هاخی هۆڵەندی و راهێنەری مانچێستەر یونایتد بووە، بۆ شوێنگرتنەوەی هێرشبەری فەڕەنسی یانەكەی ئانتۆنی مارسیال كە لەم وەرزەدا بە ئاستێكی خراپەوە دەركەوتووە و لە كۆی 8 یاری نەیتوانیوە هیچ گۆڵێك بكات و هیچ گۆڵێكیش دروست بكات.
لویس ئۆپێندا كێیە؟
لە گواستنەوەكانی هاوینی رابردوودا ئۆپێندا بە بەهای 46 ملیۆن یۆرۆ لە ریزەكانی لانسی فەڕەنسیەوە پەیوەندی بە لایپزیگەوە كرد و لە 11 یاریدا لەگەڵ ئەو یانەیە توانیویەتی پێنج گۆڵ بكات و دوو گۆڵیش درووست بكات.
لەگەڵ هەڵبژاردەی بەلجیكا 12 یاری كردووە و توانیویەتی دوو گۆڵ بكات.
وەرزی رابردوو لەگەڵ لانس ئۆپێندا توانی 21 گۆڵ بكات و رۆڵێكی گرنگی هەبێت لە گەیشتنی یانەكەی بە خولی یانە پاڵەوانەكانی ئەوروپا.
