دانی ئۆلمۆ لایپزیگ جێدەهێڵیت و ریال و بارساش دەیکەنە ئامانج
یاریگا –
دانی ئۆلمە بەنیازە لایپزیگ جێبهێڵیت، ریال مەدرید و بارسێلۆنایش یاریزانەکە دەکەنە ئامانج.
رۆژنامە بیڵد بڵاویکردووەتەوە، دانی ئۆلمۆی ئیسپانی و ئەستێرەی یانەی لایپزیگی ئەڵمانی نیازی هەیە لە هاوینی داهاتوو ریزەکانی یانەکەی جێبهێڵیت.
بەپێی هەمان سەرچاوە، ئامانجی ئۆلمۆ ئەوەیە بگەڕێتەوە ریزەکانی یانەی بارسێلۆنا، چاڤی هێرناندێزی راهێنەری یانەکەیش پێشوازی لە گەڕانەوەی ئەستێرەکە دەکات.
بیڵد ئاماژەی بەوەیش کردووە، هەرچەندە ئۆلمۆ گرێبەستەکەی تا هاوینی 2027 نوێکردووەتەوە، بەڵام مەرجەکەی ئەوە بووە بڕە پارەی مەرجی هەڵوەشاندنەوەی گرێبەستەکەی لە 60 ملیۆن یۆرۆ زیاتر نەبێت.
Real Madrid are one of the clubs interested in Dani Olmo. The club is keeping an eye on his situation.
— @BILD_Sport pic.twitter.com/6vrh6cNzN1
— Madrid Universal (@MadridUniversal) October 11, 2023
هەرچەندە نرخەکەی زۆرە، بەڵام ئەمبڕە پارەیە نابێتە گرفت بۆ یانەی وەک ریال مەدرید، بارسێلۆنا، مانچێستەر سیتی و ئاتلێتیکۆ مەدرید کە چاویان لە گواستنەوەی یاریزانەکەیە.
یاریزانەکە درک بەوە دەکات کە بارسا دەیەوێت گرێبەستی لەگەڵ بکات، هەروەها چاڤی سەرسامە بە کوالێتی و توانای یاریکردنی لە چەند پۆستێکدا، بەڵام دۆخی ئابووری بارسا رێگەخۆشکەر نابێت بۆ روودانی ئەو گواستنەوەیە بە ئاسانی.
لە لایەکی دیکە ریال مەدریدیش هەوڵەکانی چڕکردووەتەوە بۆ گواستنەوەی هێرشبەرە ئیسپانییەکە، چاوی لەوەیە بە بەدەستهێنانی ئۆلمۆ کێشەی هێڵی پێشەوەی تیپەکەی چارەسەربکات.
یاریزانە تەمەن 25 ساڵانییەکە بە دۆخێکی باشدا تێدەپەڕێت، لەم وەرزەیش لە 4 یاریدا 5 گۆڵی بۆ یانەکەی کردووە و گۆڵێکیشی درووستکردووە.
