یاریگا –
ئەمڕۆ لە لایەن دزەکانەوە هێرش کرایە سەر گۆڵپارێزە کوردەکەی هەڵبژاردەی ئێران و یانەی پێرسپۆلیس.
عەلیرەزا بیرانوەند دوایین کەسایەتی وەرزشییە کە لەلایەن دزەکانەوە هێرشی دەکرێتە سەر و ئەمجارە مۆبایلی گۆڵپارێزەکە دزرا.
بە پێی راپۆرتێکی وەرزش سێ، بیرانوەند کە بۆ ئەنجامدانی هەندێک کاری تایبەت چووبووە گەڕەکی دادمان لە تاران، لە ناو ئۆتۆمبێلەکەیدا بوو، کاتێک دزەکان هێرشیان کردە سەری و دواتر مۆبایلەکەیان لێ دزی.
ئەم هێرشە نەبووەتە جێگەی هیچ مەترسیەک بۆ سەر گیانی گۆڵپارێزەکە و لە دوای رووداوەکە دەستبەجێ لە بنکەی پۆلیس سکاڵای یاسایی تۆمار کردووە.
