رامۆس: ناوبژیوان جیاوازی لە نێوان سێڤییا و ریال مەدرید دەکات
یاریگا –
سێرجیۆ رامۆس رەخنەی توند ئاراستەی ناوبژیوانان دەکات، تۆمەتباریان دەکات بەوەی هاوکاری یانە گەورەکان دەکەن.
شەوی رابردوو لە یارییەکانی قۆناخی کۆمەڵەکانی خولی یانە پاڵەوانەکانی ئەوروپا، سێڤییا لە یاریگای فیلیپس بووە میوانی ئایندهۆڤن، یارییەکەش بە یەکسانبوون و بە ئەنجامی 2-2 کۆتایی هات.
پاش یارییەکە، سێرجیۆ رامۆسی ئیسپانی و بەرگریکاری یانەی سێڤییا رەخنەی توندی ئاراستەی ناوبژیوانی یارییەکە کرد. رامۆس بەشێوەیەکی گشتی ناوبژیوانانی بەوە تۆمەتبارکرد کە بە یەک چاو سەیری هەموو یانەکان ناکەن.
لەو بارەیەوە گوتی:
ناوبژیوان بە یەک چاو سەیری هەموو تیپەکان ناکات، ئێستا بەهۆی ئەوە ئازار دەچێژم. هیوادارم ناوبژیوان بە یەکسانی سەیری هەموو تیپەکان بکات. هەمان ئەو رێزەی لە ریال مەدریدی دەگرێت لە یانەی وەک سێڤییا و لانسی ناگرێت.
رامۆس لەم هاوینە گرێبەستەکەی لەگەڵ پاریس سانجێرمان کۆتایی هات. پاش 19 ساڵ لە جێهێشتنی سێڤییا جارێکی دیکە گەڕایەوە یانەکەی.
Un empate con sabor agridulce: un punto valioso fuera de casa, pero dos que se nos han escapado por pequeños detalles. Toca seguir trabajando y mejorando.
Y una pequeña reflexión: ¿Para qué están las herramientas si no se usan?A draw with a bittersweet taste: a valuable point… pic.twitter.com/bD9LYez1N3
— Sergio Ramos (@SergioRamos) October 3, 2023
