بێڵینگهام ژمارەیەكی كریستیانۆ رۆناڵدۆی یەكسان كردەوە
یاریگا –
جود بێڵینگهام، ئەستێرەی ئینگلیزی یانەی ریال مەدریدی ئیسپانی بەردەوامە لە شكاندنی ژمارە پێوانەییەكان لەگەڵ یانە نوێیەكەی.
شەوی رابردوو ناپۆلی لە یاریگای مارادۆنای تایبەت بە خۆی میوانداری ریال مەدریدی كرد و یارییەكەش بەئەنجامی سێ گۆڵ بەرامبەر دوو گۆڵ لە بەرژەوەندی یانەی میوان كۆتایی هات، لە میانی یارییەكانی هەفتەی دووەمی قۆناخی كۆمەڵەكانی خولی یانە پاڵەوانەكانی ئەوروپا.
گۆڵەكانی ریال مەدرید لەلایەن ڤینیسیۆس جونیۆر و جود بێڵینگهام و مێریت بە هەڵە تۆماركرا و گۆڵەكانی ناپۆلیش لەلایەن ئۆستیگارد و زیلینسكی تۆماركرا.
بەپێی تۆڕی ئۆپتا كە تایبەتە بە ژمارە و ئامارەكان، بێڵینگهام بە شێوەیەكی راستەوخۆ بەشداری لە كردنی 11 گۆڵدا كردووە لە 9 یاریدا لەگەڵ ریال مەدرید كە توانیوویەتی هەشت گۆڵ بكات و سێ گۆڵیش درووست بكات.
هەروەها بێڵینگهام تاكە یاریزانە لەم وەرزەدا كە لە هێڵی هێرشبردن یاری ناكات و بەشداری لەو ژمارە گۆڵەدا كردبێت.
ئەستێرە ئینگلیزیەكە بوو بە سێیەم یاریزان كە لە دوو یاری سەرەتایی خۆیدا لە چامپیۆنزلیگ یاری بكات لە دوای هەریەك لە كریستیان كاریمبیۆ و كریستیانۆ رۆناڵدۆ.
2 – Jude Bellingham is the third player to score in his first two games for Real Madrid in the @ChampionsLeague, after Christian Karembeu in 1998 and Cristiano Ronaldo in 2009.
Impact. pic.twitter.com/utQFjuVI6P
— OptaJose (@OptaJose) October 3, 2023
ریال مەدرید بە كۆكردنەوەی شەش خاڵ لە پێشەنگی كۆمەڵەی سێیەمی خولی یانە پاڵەوانەكانی ئەوروپادا دێت.
