یاریگا –
خۆسێ مانوێل ڤییارێخۆ، کۆمیسیاری پێشووی پۆلیسی ئیسپانیا، هێرشێکی توند دەکاتە سەر فلۆرێنتینۆ پێرێز، سەرۆکی ریال مەدرید.
مانوێل ڤییارێخۆ میوانی خۆردی باستێ، رۆژنامەنووس لە رادیۆی کاتالۆنیا RAC 1 بوو و باسی لە گەندەڵییەکانی پێرێز کرد. ڤییارێخۆ دەڵێت، پێرێز بەر لە بارسێلۆنا، بەرتیلی بە ناوبژیوانان داوە و کەس ناتوانێت قسەی لەگەڵدا بکات، نازانین هۆکارەکە چییە.
هەرکەسێک سەرکۆنەی فلۆرێنتینۆ بکات، وەک ئەوەیە خۆی لە بکوژێت. هەرگیز ناتواندرێ پێرێز دادگایی بکرێت.
لە بەرامبەر قسەکانی ڤییارێخۆدا، ریال مەدرید بەیاننامەیەکی بڵاوکردەوە و بە توندی ئیدانەی قسەکانی ڤییارێخۆی کرد
فلۆرێنتینۆ پێرێز، سەرۆکی ریال مەدرید داوای کردووە، بە خێرایی رێکاری یاسایی لە دژی کۆمیسیاری پێشووی پۆلیسی ئیسپانیا بگیرێتەبەر. ئەمەش بەهۆی ئەو تۆمەتانەی لە رادیۆی کاتالۆنیای ئارستەی پێرێز کردووە.
ڤییاریخۆ چیرۆکێکی خۆی لەگەڵ ئالفرێدۆ پێرێز روبالکابا، کە لە ساڵانی 2010-2011 جێگری سەرۆک وەزیرانی ئیسپانیا بوو.
روبالکابا هاندەری ریال مەدرید بوو، پێی گوتم، هەرگیز بیر لەوە مەکەوە بچیتە نێو بۆکسی ریال مەدریدەوە، چونکە وەک ستۆدیۆییەکی گەورەی میدیاییە و لێی دەرناچیت.
لەلایەکی دیکەوە، خاڤیێر تێباس، سەرۆکی لالیگا لە لێدوانێکیدا بۆ رۆژنامەی ئاس داوای لە کۆمیسیاری پێشووی پۆلیسی ئیسپانیا کرد، هەر چ بەڵگەیەکی لە دژی فلۆرێنتینۆ هەیە، با بخرێتەڕوو.
بەر لە رێکارە یاساییەکانی ریال مەدرید، خوان لاپۆرتای سەرۆکی بارسێلۆناش، رێکاری یاسایی لە دژی ڤییارێخۆ گرتەبەر، چونکە لە هەمان چاوپێکەوتنیدا، لاپۆرتای بە هەوڵی یارمەتیدانی، ساندرۆ رۆسێل تۆمەتبار کرد، کە لە ساڵی 2017 دەستبەسەرکرابوو.
