یاریگا –
مەرجی هەڵوەشاندنەوەی گرێبەستەکەی لامین یامال، لەگەڵ بارسێلۆنا ئاشکرا کرا.
رۆژنامەنووس فابریزیۆ رۆمانۆ بڵاویکردووەتەوە، سبەی دووشەممە، لامین یامالی ئیسپانی و یاریزانی یانەی بارسێلۆنا، واژۆ لەسەر گرێبەستە نوێیەکەی دەکات.
رۆمانۆ ئاماژەی بەوەیش کردووە، گرێبەستە نوێیەکەی یامال لەگەڵ بارسێلۆنا تا هاوینی 2026 دەبێت، مەرجی هەڵوەشاندنەوەیشی 1 ملیار یۆرۆیە.
هەر بەپێی زانیارییەکانی رۆمانۆ، یاریزانە تەمەن 16 ساڵانییەکە لە مانگی تەمموزەوە لەگەڵ یانە کاتالۆنییەکە، لەسەر نوێکردنەوەی گرێبەستەکەی رێککەوتووە.
🔵🔴 Lamine Yamal new Barça deal will also include €1B release clause. #FCB
◉ Formal signature, Monday.
◉ Contract until June 2026.
◉ Secretly signed last July.
◉ €1B release clause. pic.twitter.com/YjgwI01gtu— Fabrizio Romano (@FabrizioRomano) October 1, 2023
یامال لە تەمەنێکی کەمدا بووە بە یەکێک لە باشترین یاریزانەکانی ئێستا، لەم وەرزەیش لە 9 یاریدا 2 گۆڵی بۆ بارسێلۆنا کردووە.
هەر لە مانگی رابردوو توانی وەک لاوترین یاریزان لە مێژوودا گۆڵ بۆ هەڵبژاردەی ئیسپانیایش بکات.
