ناوبژیوانی یاری نێوان ناپۆلی و ریال مەدرید دەستنیشانكرا

یاریگا –

یەكێتی تۆپی پێی ئەوروپا ”یوفا” ناوبژیوانی یاریەكەی نێوان ناپۆلی و ریال مەدریدی دەستنیشانكرد.

وا بڕیارە رۆژی سێشەممە كاتژمێر 22:00 بە كاتی كوردستان ناپۆلی لە یاریگای مارادۆنا میوانداری ریال مەدرید بكات، لە میانی گەڕی دووەمی قۆناخی كۆمەڵەكانی خولی یانە پاڵەوانەكانی ئەوروپا.

یەكێتی تۆپی پێی ئەوروپا كیلمان كلێمینت تورپین فەڕەنسی وەك ناوبژیوانی یاری لوتكەی نێوان ناپۆلی و ریال مەدرید دەستنیشانكرد.

ناوبژیوانە فەڕەنسییەكە لە خولی یانە پاڵەوانەكانی ئەوروپادا پێنج یاری ناوبژیوانی بۆ یارییەكانی ریال مەدرید كردووە و لە سەرجەمیاندا یانە شاهانەكە براوە بووە.

ئەو یارییانەی ناوبژیوانی بۆ یارییەكانی ریال مەدرید كردووە لە چامپیۆنزلیگ:

– ریال مەدرید vs لۆدگۆرێتس قۆناخی كۆمەڵەكانی 2014 ( مەدرید بە ئەنجامی چوار گۆڵی بێ وەڵام یارییەكەی بردەوە).

– رۆما vs ریال مەدرید قۆناخی كۆمەڵەكانی 2018 ( مەدرید بە ئەنجامی دوو گۆڵی بێ وەڵام یارییەكەی بردەوە ).

– ریال مەدرید vs ئینتەر میلان قۆناخی كۆمەڵەكانی 2021 ( مەدرید بە ئەنجامی سێ گۆڵ بەرامبەر بە دوو گۆڵ یارییەكەی بردەوە ).

– چێڵسی vs ریال مەدرید قۆناخی چارەكی كۆتایی 2022 ( مەدرید بە ئەنجامی سێ گۆڵ بەرامبەر بە گۆڵێك یارییەكەی بردەوە ).

– لیڤەرپوول vs ریال مەدرید یاری كۆتایی 2022 ( مەدڕید بە ئەنجامی گۆڵێكی بێ وەڵام یارییەكەی بردەوە ).

ناپۆلی بە كۆكردنەوەی سێ خاڵ لە پێشەنگی كۆمەڵەی سێیەم دێت و ریال مەدریدیش بە كۆكردنەوەی هەمان ژمارەی خاڵ لە ریزبەندی دووەم دێت.