یاریگا –
یانەی ریال مەدریدی ئیسپانی چەندین بژاردەی لەبەردەستە بۆ شوێنگرتنەوەی كارلۆ ئانچێلۆتی ئیتاڵی و راهێنەری یانەكەیان.
چابی ئالۆنسۆ بژاردەیەكی بەهێزە بۆ جێگای راهێنەرە ئیتاڵییەكەی یانە شاهانەكە.
رادیۆی كادێنا سێر لە راپۆرتێكدا ئاشكرایكرد ئیدارەی یانەی ریال مەدرید بیر لەوە دەكەنەوە بە راهێنەرێكی ئیتاڵی دیكە جێگای كارلۆ ئانچێلۆتی پڕ بكەنەوە.
ئەوەش خراوەتە روو، بەرپرسانی یانە شاهانەكە گرنگی بە رۆبێرتۆ دی زێربی راهێنەری یانەی برایتنی ئینگلیزی دەدەن بۆ گواستنەوەی بۆ یانەكەیان.
🚨 Roberto De Zerbi and Bayer Leverkusen boss Xabi Alonso are contenders to replace Carlo Ancelotti should he leave Real Madrid when his contract expires at the end of the season.
(Source: Cadena Ser) pic.twitter.com/6IUsJE43GD
— Transfer News Live (@DeadlineDayLive) September 28, 2023
دی زێربی لە كاروانی راهێنەرایەتیكردنیدا راهێنانی بە هەریەك لە یانەكانی ساسۆلۆ، شاختار و برایتن كردووە.
لە یەكەم وەرزیدا لەگەڵ یانە ئینگلیزیەكە توانی بلیتێكی یۆرۆپالیگ بەدەست بهێنن.
هەروەها لەم وەرزەدا لە دوای تێپەڕبوونی شەش هەفتە توانیویانە 15 خاڵ كۆ بكەنەوە و هەروەها بە تۆماركردنی 18 گۆڵ خاوەنی بەهێزترین هێڵی هێرشبردنن.
