یاریگا –
خافیێر تێباس سەرۆكی كۆمەڵەی خولی ئیسپانیا باس لە پەیوەندیكردنی كیلیان ئێمباپێی ئەستێرەی فەڕەنسی یانەی پاریس سان جێرمان بە ریال مەدرید و خولی ئیسپانیەوە دەكات.
لە گواستنەوەكانی هاویندا ئێمباپێ بە ئیدارەی یانەكەی راگەیاند كە نیەوێت گرێبەستەكەی نوێ بكاتەوە و دەیەوێت لە هاوینی داهاتوودا پەیوەندی بە ریال مەدریدەوە بكات.
لە لێدوانەكانیدا بۆ موڤیستار خافیێر تێباس ووتی: من دڵنیام كە ئێمباپێ دێتە خولی ئیسپانیا، بەڵام لە كۆتاییشدا ئەوە تەنیا پەیوەستە بە خۆیەوە.
بەردەوام بوو ووتی: من ناڵێم متمانەم بە خۆم هەیە، بەڵام بێگومان ئێرە شوێنی ئێمباپێیە و و ئەگەری هەیە وەرزی داهاتوو بە رێژەی %70 بۆ %80 پەیوەندی بە لالیگاوە بكات.
🗣 Javier Tebas (La Liga president): "I think there's more than 70-80% chance Mbappé plays in La Liga next season." @MovistarPlus #rmalive pic.twitter.com/2vXLYJca5b
— Madrid Zone (@theMadridZone) September 25, 2023
لە درێژەی قسەكانیدا ووتی: نایاب دەبێت بێتە خولی ئیسپانی، یاریزانە گرنگەكان پەیوەندی بە خولەكەوە دەكەن، بەڵام ئەوە ژیان و مردن نییە بۆ ئێمە، یاریزانی گەنجی باشیش لە خولەکەدا هەن.
بارسێلۆنا بە كۆكردنەوەی 16 خاڵ پێشەنگی خولی ئیسپانیای گرتووە و جیرۆناش بە هەمان خاڵ لە پلەی دووەم دێت هەروەها مەدریدیش بە كۆكردنەوەی 15 خاڵ لە پلەی سێیەم دێت.
