كۆتا هەوڵی ئیتیحاد بۆ گواستنەوەی محەمەد سەڵاح
یاریگا –
یانەی ئیتیحادی سعودی لە هەوڵەكانی بەردەوامە بۆ بەدەستهێنانی تواناكانی محەمەد سەڵاح ئەستێرەی میسڕی یانەی لیڤەرپوولی ئینگلیزی.
گرێبەستەكەی محەمەد سەڵاح لەگەڵ لیڤەرپوول لە هاوینی ساڵی 2025 بەسەردەچێت.
بەپێی زانیاریەكانی رۆژنامەی دەیلی مەیڵ شاندێكی سعودی شەممەی رابردوو گەیشتنە لەندەن و ئامانجیان رازی كردنی ئەستێرە میسڕییەكەیە.
رۆژنامەكە ئەوەشی ئاشكرا كردووە، كۆتا ئۆفەری فەرمی كە لەلایەن ئیتیحادەوە پێشكەشكرابێت بریتی بووە لە 150 ملیۆن پاوەند، پێنجشەممەی رابردوو ئۆفەرەكە گەیشتە لیڤەرپوول.
ئاماژە بەوەشكراوە، بەرپرسانی ئیتیحاد ئۆفەرەكە بۆ 200 ملیۆن پاوەند لە ماوەی 48 كاتژمێری داهاتوودا بەرز دەكەنەوە، كە دەبێتە گرانترین گرێبەستی مێژوو.
SALAH. RECORD-BREAKER 👑 pic.twitter.com/JazqlkR19G
— Liverpool FC (@LFC) March 5, 2023
لەم وەرزەدا مۆ سەڵاح چوار یاری كردووە و توانیویەتی دوو گۆڵ بكات و دوو گۆڵەكەی درووست بكات.
