بێڵینگهام ژمارەیەكی كریستیانۆی یەكسان كردەوە

یاریگا –

جود بێڵینگهام، ئەستێرەی ئینگلیزی یانەی ریال مەدریدی ئیسپانی بەردەوامە لە درەوشاندنەوە و بۆ جارێكی دیكەش یانەكەی رزگار كرد.

شەوی رابردوو ریال مەدرید لە یاریگای سانتیاگۆ بێرنابیۆی تایبەت بە خۆی میوانداری خیتافی كرد و یاریەكەشی بە ئەنجامی دوو گۆڵ بەرامبەر گۆڵێك لێ بردەوە، لە میانی یارییەكانی هەفتەی چوارەمی لالیگای ئیسپانیا.

لە خولەكی 11ی یاریەكەدا بۆرخا مایۆرال گۆڵی یەكەمی خێتافی كرد و پاشان لە خولەكی 47 خۆسێلو گۆڵی یەكسان بوونی مەدریدە كرد و لە خولەكی 95 جود بێڵینگهام گۆڵی پێشكەوتنی تۆمار كرد.

بە پێی زانیاریەكانی تۆڕی ئۆپتا كە تایبەتە بە ژمارە و ئامارەكان بێڵینگهام بوو بە یەكەم یاریزانی مێژووی ریال مەدرید بتوانێت 5 گۆڵ لە چوار یاری سەرەتای خۆیدا بكات لە خولی ئیسپانیا لە دوای كریستیانۆ رۆناڵدۆ.

4 – Jugadores que han marcado en cada uno de sus primeros cuatro partidos en LaLiga en el siglo XXI:

🇸🇪 Zlatan Ibrahimović 2009
🇵🇹 Cristiano Ronaldo 2009
🇪🇸 Cesc Fàbregas 2011
🏴󠁧󠁢󠁥󠁮󠁧󠁿 JUDE BELLINGHAM 2023

Impacto. pic.twitter.com/xXSAaNfWxq

— OptaJose (@OptaJose) September 2, 2023

هەروەها جودی چوارەم یاریزانی مێژووی خولی ئیسپانیایە لە چوار یاری سەرەتادا گۆڵ بكات لە دوای هەریەك لە، كریستیانۆ رۆناڵدۆ، زلاتان ئیبراهیمۆڤیچ و سیسك فابریگاس.

بەو بردنەوەیە ریال مەدرید كۆی خاڵەكانی بۆ 12 خاڵ بەرزكردەوە و لە سەرجەم یارییەكاندا براوە بووە و خاڵی تەواوی بەدەستهێناوە.