فاتی نزیکە لە رۆیشتن و بارسێلۆنا شوێنگرەوەی دەستنیشان دەکات
یاریگا –
تۆتنهام و چێڵسی بە توندی چووەتە نێو گفتوگۆکانی گواستنەوەی ئانسو فاتی، یاریزانی بارسێلۆنا.
رۆژنامەی ئاس بڵاویکردووەتەوە، فاتی گەیشتووەتە ئەو بڕوایەی ریزەکانی بارسێلۆنا جێبهێڵێت، چونکە پێی وایە ناتوانێت بەشداری ژمارەیەکی زۆری یارییەکانی ئەم وەرزە بکات.
لە لایەکی دیکەوە، رۆژنامەی موندۆ دیپۆرتیڤۆ روونیکردووەتەوە، فاتی دەیەوێت گوێ لە ئۆفەرەکان بگرێت و هەڵیانبسەنگێنێت، تاوەکو بڕیار لە وێستگەی داهاتووی خۆی بدات.
Ansu Fati situation, one to watch until the end of the window as mentioned multiple times. ✨🇪🇸
Understand Tottenham made contact to be informed on Ansu Fati situation while talks for Brennan Johnson continue.
Chelsea have also been presented Ansu opportunity earlier this week. pic.twitter.com/ym5hZ3WOAb
— Fabrizio Romano (@FabrizioRomano) August 29, 2023
لە راپۆرتەکەی رۆژنامەی ئاسدا هاتووە
رەنگە ئانسو فاتی یەکێک بێت لە بۆمبەکانی دوا رۆژی مێرکاتۆی هاوینەی یاریزانان، پێشتر بڵاومانکردووەتەوە، هێرشبەرەکەی بارسا ئاسوودە نییە و دەیەوێت یانەکە جێبهێڵێت. دوو یانەی ئینگلیزی کێبڕکێ لەسەر بەدەستهێنانی خزمەتەکانی دەکەن، ئەوانیش یانەکانی تۆتنهام و چێڵسین. رەنگە بە خواستن یاخود بە شێوەیەکی هەمیشەیی بیگوازنەوە. هەرچەندە بارسا دەیەوێت بە خواستن رێگە بە چوونە دەرەوەی فاتی بدات. چونکە پێیان وایە فاتی داهاتووی یانەکەیە.
لەلایەکی دیکەوە، ئالفرێدۆ مارتینێز، رۆژنامەنووسی دیاری ئیسپانی دەڵێت ”ئاسنو بە جدی بیر لە جێهێشتنی ریزەکانی بارسێلۆنا دەکاتەوە، چونکە پێی وایە رێژەی بەشدارییەکەی لەگەڵ یانەکە کەمە، تایبەت دوای درەوشانەوەی لامین یامال.
🚨 BREAKING: Ansu Fati is now OPEN to listen to offers. Chelsea, Tottenham and Borussia Dortmund are firm options. Jorge Mendes will work hard to find a club that satisfies the interests of all parties. The formula would be a loan. @sergisoleMD 🇪🇸 pic.twitter.com/RiLGgeFZ12
— barcacentre (@barcacentre) August 29, 2023
خۆرخێ مێندێز، بەڕێوەبەری کارەکانی فاتی و جواو فێلیکسە و رەنگە شێوازێک بۆ رازیکردنی بارساش بدۆزێتەوە و فێلیکس پەلکێشی کاتالۆنیا بکات.
فاتی تەمەنی 21 ساڵە و یەکێکە لە بەرهەمەکانی لا ماسیا. لە دوای رۆیشتنی لیۆنێل مێسی، هاندەران پێیان وابوو دەبێتە شوێنگرەوەی پاڵەوانەکەی جیهان.
