بە فەرمی سەردار ئەزمون پەیوەندی بە رۆما کرد
یاریگا –
بەشێوەیەکی فەرمی سەردار ئەزمونی ئێرانی پەیوەندی بە یانەی رۆمای ئیتاڵی کرد.
کەمێک پێش ئێستا پێگەی فەرمی یانەی رۆما بڵاویکردەوە، بە شێوەیەکی فەرمی سەردار ئەزمون، هێرشبەری پێشووی یانەی بایەر لیڤەرکوزن، پەیوەندی بە رۆما کردووە و گورگێکی نوێی جالۆڕۆسییە.
گرێبەستی هێرشبەرە تەمەن 28 ساڵانییەکە لەگەڵ رۆما بەشێوەی خواستن دەبێت، سەردار تا هاوینی ساڵی 2024، درێسی ژمارە 17 رۆما دەپۆشێت.
هێرشبەرە ئێرانییەکە لە دایکبووی ساڵی 1995ـە، پێشتریش لە یانەکانی روبن کازان، رۆستۆڤ، زینیت و بایەر لیڤەرکوزن یاری کردووە.
سەردار لە 316 یاری بە درێسی یانەکان 115 گۆڵی کردووە و 48 گۆڵیشی درووست کردووە. هەروەها لە 71 یاری لەگەڵ هەڵبژاردەی ئێران 45 گۆڵی کردووە 9 گۆڵیشی درووست کردووە.
ئەزمون بە درێسی یانەی زێنیت چوار نازناوی خولی رووسی، دوو نازناوی سوپەری روسیا و نازناوێکی جامی رووسیای بەدەستهێناوە.
هاوکات لە وەرزی 2019-2020 بە کردنی 17 گۆڵ بووە گۆڵکاری خولی رووسی، لە ساڵی 2021ـیش خەڵایی باشترین یاریزانی ساڵی لە رووسیا بەدەستهێنا.
🇮🇷🔴 𝐎𝐅𝐅𝐈𝐂𝐈𝐀𝐋 | AS Roma have signed Sardar Azmoun (28) on a loan deal from Leverkusen.
Statement: "I'm coming to one of the most prestigious clubs… it would be a dream to be able to win a title in the Roma shirt." pic.twitter.com/EeO6cZZmkn
— EuroFoot (@eurofootcom) August 26, 2023
