نەیمار و بارسێلۆنا گەیشتنە رێککەوتن
یاریگا –
نەیمار دا سلیلڤای بەڕازیلی زۆر نزیکە لە گەڕانەوەی بۆ یانەی بارسێلۆنای ئیسپانی.
کەمێک لەمەوبەر پێگەی بێتێڤی بڵاویکردەوە، گفتوگۆکانی نێوان نەیمار دا سیلڤا و یانەی بارسێلۆنا بەرەوپێش چوون، یاریزانە بەڕازیلییەکە زۆر نزیکە لە گەڕانەوە بۆ یانەکەی پێشووی.
بەپێی هەمان سەرچاوە، بارسێلۆنا ئۆفەرێکی 60 ملیۆن یۆرۆیی پێشکەش بە پاریس سانجێرمان دەکات بۆ گواستنەوەی نەیمار، بۆ دابینکردنی ئەو بڕە پارەیە، یانە کەتەلۆنییەکە %16 ستۆدیۆکانی خۆی فرۆشتووە.
هاوکات هەمان پێگە ئاماژەی بەوەش کردووە، هێرشبەرە تەمەن 31 ساڵانییەکە لەپێناو گەڕانەوەی بۆ بارسێلۆنا مووچەکەی زۆر کەمکردووەتەوە، لەگەڵ بارسا لەسەر مووچەی ساڵانەی 12 ملیۆن یۆرۆ رێککەوتووە.
🚨🚨💣| BREAKING: FC Barcelona have reached an agreement with Neymar! He will sign with a salary of €12M/year. Deal imminent. @Laporteriabtv ☎️🇧🇷🔥 pic.twitter.com/eFIp5wgzMc
— Managing Barça (@ManagingBarca) August 11, 2023
نەیمار لەگەڵ سانجێرمان لە گفتوگۆدایە بۆ جێهێشتنی یانە فەڕەنسییەکە، خودی یاریزانەکە و یانەکەش کۆکن لەسەر رۆیشتنی نەیمار لە سانجێرمان، هەردوولا لە دانوستاندان بۆ کۆتایی پێهێنانی گرێبەستی یاریزانەکە لەگەڵ یانەکەیدا.
هەرچەندە یانەی هیلالی سعودی ئامادەیە بڕە پارەیەکی زیاتر لە گواستنەوەی هێرشبەرەکەی سامبا خەرجبکات، بەڵام خەونی نەیمار گەڕانەوەیە بۆ بارسێلۆنا و هەموو هەوڵێک دەدات لە پێناو ئەو ئامانجەیدا.
نەیمار لە هاوینی 2013 بە بڕی 88 ملیۆن یۆرۆ لە سانتۆسی بەڕازیلییەوە گواسترایەوە بۆ بارسێلۆنا، بە درێسی یانە کەتەلۆنییەکە بەشداری 186 یاری کرد، 105 گۆڵی کرد و 76 گۆڵیشی درووستکرد.
توانی نازناوێکی چامپیۆنزلیگ، دوو نازناوی لالیگا، نازناوێکی جامی جیهانی یانەکان، سێ نازناوی جامی شای ئیسپانیا، نازناوێکی جامی سوپەری ئیسپانیا و نازناوێکی جامی سوپەری ئەوروپا لەگەڵ یانەکە بەدەستبهێنێت.
