هۆیلوند بە پێکانەوە گەیشتووەتە مانچێستەر

یاریگا-هئەمڕۆ مانچێستەر یونایتد بەفەرمی گواستنەوەی راسموس هۆیلوندی بە 75 ملیۆن یۆرۆ راگەیاند و سەرچاوەیەکی نزیک لە یانەکە دەڵێت ئەو یاریزانە پێکانی هەیە.

یونایتد هیوایەکی زۆری لەسەر ئەو یانەیە هەڵچنیووە تاوەکو ببێتە ئێرلینگ هالاندی شەیتانە سوورەکان بەڵام مانچێستەر ئیڤینینگ ستاندارد دەڵێت ئەگەری ئەوە زۆرە هۆیلوند لە سەرەتاکانی وەرزدا یاری ناکات.

بەگووتەی سەرچاوەکە ، هێرشبەرەکەی پێشووی ئەتەلەنتا پێکانی لە شانە نەرمەکانی قاچیدا هەیە.

مان یونایتد لە یەکەم گەڕی وەرزدا رووبەرووی وۆڵڤەرهامپتن دەبێتەوە لە 14ی ئەم مانگەدا، پێنج رۆژ دواتر بەرامبەر تۆتنهام یاری دەکات و چاوەڕواندەکرێت راسموس هۆیلوند لە هەردوو یارییەکە داببڕێت.