یاریگا
یانەی نەسری سعودیە بە ئەنجامی 1-1 لەگەڵ زەمالکی میسری بەرامبەر بوو و گەیشتە قۆناغی دووەمی جامی شا سەلمان.
یانەکانی نەسری سعودی و زەمالیکی میسری لە کۆتا یاری قۆناغی کۆمەڵەکانی جامی شا سەلمان رووبەڕووی یەکتری بونەوە و یارییەکەش بە ئەنجامی 1-1 کۆتایی هات.
نیوەی یەکەمی یارییەکە بەبێ گۆڵ کۆتایی هات. نیوەی دووەم لە خولەکی 53 زەمالیک بە لێدانی سزا گۆڵی یەکەمی یارییەکەی کرد، بەم ئەنجامە نەسڕ ماڵئاوایی دەکرد، بەڵام رۆناڵدۆ هەموو شتێکی گۆڕی.
نیوەی دووەم سادیۆ مانێ سەنیگالی بۆ جاری یەکەم بەشداری یاری یانە نوێیەکەی واتە نەسڕ کرد. پێشکۆتایی هاتنی یارییەکە و لە خولەکی 87 کریستیانۆ رۆناڵدۆ گۆڵی بەرامبەربوونی بۆ یانەکەی کرد.
بەم شێوەیە نەسڕ وەکو دووەمی کۆمەڵەکەی بە کۆکردنەوەی پێنج خاڵ گەیشتە قۆناغی چارەکی کۆتایی و لەم قۆناغەش رووبەڕووی یانەی ریجا ریازی مەغریبی دەبنەوە.
