یاریگا –
راپۆرتە رۆژنامەوانیەكانی ئیسپانیا ئاشكرایانكرد یانەی پاریس سان جێرمانی فەڕەنسی هیچ سكاڵایەكەی لە دژی ریال مەدرید بەرز نەكردووەتەوە سەبارەت بە كەیسی كیلیان ئێمباپێ.
پێشتر راپۆرتێكی رۆژنامەوانی ئاشكرایكرد یانەی پاریس سان جێرمانی فەڕەنسی سكاڵایەكی لە دژی ریال مەدرید بەرزكردووەتەوە سەبارەت بە رێككەوتنی نایاسایی لەگەڵ كیلیان ئێمباپێ ( زانیاری زیاتر).
بەپێی زانیاریەكانی رۆژنامەی ماركا ـی ئیسپانی فیفا هیچ سكاڵایەكی لەلایەن یانە فەڕەنسیەكەوە بەدەستنەگەیشتووە لە ماوەی چەند رۆژی رابردوودا.
💥❌ La FIFA no ha recibido ningún mensaje del PSG sobre el posible acuerdo entre Real Madrid y Mbappé
✍️ Informa @jfelixdiazhttps://t.co/gfX0IghK8e
— MARCA (@marca) August 3, 2023
رۆژنامەكە ئەوەشی ئاشكرا كردووە، پاریس سان جێرمان هیچ بەڵگەیەكی نەدۆزیووەتەوە سەبارەت بە رێككەوتنی نێوان ریال مەدرید و كیلیان ئێمباپێ تا سكاڵا دژی یانە ئیسپانیەكە بەرز بكاتەوە.
لە ماوەی رابردوو پاریس و ئێمباپێ كێشە كەوتە نێوانیانەوە و یاریزانەكە دەیەوێت وەرزی داهاتووش لە یانە فەڕەنسیەكە بەردەوام بێت لە یاریكردن، لەلایەكی دیكەوە پاریس دەیەوێت لەم هاوینەدا لە بەرامبەردا بڕێك پارەدا دەستبەرداری ببێت.
لە گواستنەوەكانی هاوینەدا ریال مەدرید هەریەك لە یاریزانان جود بێڵینگهام، فران گارسیا، براهیم دیاز، خۆسێلۆ و ئاردا گولەری گواستەوە ریزەكانی.
