مۆندیال
بەڕازیل بەشێوەیەکی چاوەڕواننەکراو لە جامی جیهانی خانمان دەرکرا
یاریگا-هەڵبژاردەی بەڕازیل یەکێک لە پاڵێوراوەکان بۆ بردنەوەی مۆندیالی خانمان ئەمڕۆ لەسەر دەستی جامایکا ماڵئاوایی کرد.
سامبا پێویستی بە بردنەوە بوو لە کۆتا یاری قۆناغی کۆمەڵەکان تاوەکو بگاتە قۆناغی یەکلاکەرەوە بەڵام بە بێ گۆڵ لەگەڵ جامایکا بەرامبەربوون و بەوەش بۆ یەکەمجار لە ساڵی 1995 ـەوە نەیتوانی کۆمەڵەکان ببڕێت.
وە یەکەمجار بوو بەسەر مارتای ئەفسانەی زیندووی هەڵبژاردەکەدا بێت کە خاوەنی شەش ناسناوی باشترین یاریزانی ساڵە.
هەروەها جامایکا بۆ یەکەمجار لە مێژوویدا خۆی گەیاندە قۆناغی 16 لە کاتێکدا هەڵبژاردە بەرێگەی کۆکردنەوەی بەخشیش توانی خەرجی بەشداریکردن لە پاڵەوانێتییەکە کۆبکاتەوە.
