دێمبڵی بە ئۆفەرەكەی پاریس رازی بووە
یاریگا –
عوسمان دێمبڵی ئەستێرەی هەڵبژاردەی فەڕەنسا و یانەی بارسێلۆنای ئیسپانی رەزامەندی بۆ پەیوەندیكردن بە پاریس سان جێرمانەوە دەربڕی.
گرێبەستەكەی دێمبڵی لەگەڵ بارسێلۆنا لە هاوینی ساڵی 2024 بەسەردەچێت، بڕی هەڵوەشاندنەوەی گرێبەستەكەی 50 ملیۆن یۆرۆیە.
فابریزیۆ رۆمانۆ، رۆژنامەنووسی ئیتاڵی و شارەزا لە بازاڕی گواستنەوەی یاریزاناندا لە هەژماری فەرمی خۆی لە تۆڕی كۆمەڵایەتی تویتەر نووسیویەتی: دێمبڵی بەڵێی بۆ پاریس سان جێرمان كردووە و گڵۆپی سەوزی بۆ ئۆفەرەكە بەرزكردووەتەوە.
رۆمانۆ ئەوەشی ئاشكرا كردووە: پاریس سان جێرمان گەیشتووەتە رێككەوتنی زارەكی لەگەڵ بریكاری كارەكانی یاریزانەكە بەگرێبەستێك بۆ ماوەی پێنج ساڵ.
لە كۆتایشدا ئەوەی خستووەتە روو: پاریس پەیامێكی فەرمی بۆ بارسێلۆنا نارد بۆ ئەوەی ئاگاداریان بكاتەوە كە بڕی هەڵوەشاندنەوەی گرێبەستەكەی یاریزانەكە دەدەن و هەولدەدەن بە باشترین شێوە گرێبەستەكە یەكلا بكەنەوە، بابەتەكە پەیوەستە بە كاتەوە.
BREAKING: Ousmane Dembélé says yes to Paris Saint-Germain! Initial green light to the proposal has arrived 🚨🔴🔵
PSG verbally agreed five year deal with Dembélé’s agent.
PSG have sent formal letter to inform Barcelona, now trying best way to close the deal — depends on timing. pic.twitter.com/a0EE3iMEtf
— Fabrizio Romano (@FabrizioRomano) July 30, 2023
وەرزی رابردوو دێمبڵی بەشداری لە 35 یاریدا كرد و توانی هەشت گۆڵ بكات و نۆ گۆڵیش درووست بكات.
