تەواوی جموجۆڵە سەرنجڕاکێشەکانی بێڵینگهام لە یەکەم یاری خۆی لەگەڵ ریال مەدرید ببینە

یاریگا –

جود بێڵینگهام، یەکێکە لە دیارترین گواستنەوەکانی ئەم هاوینەی ریال مەدرید و چاوەڕوانییەکی زۆری لێدەکرێت.

بێڵینگهام لە مانگی رابردوودا بە بڕی 113 ملیۆن پاوەند، لە بۆڕووسیا دۆرتموندەوە پەیوەندی بە ریال مەدرید کرد و بەرەبەیانی ئەمڕۆ، بەشداری لە یەکەم یاری فەرمی یانەکەی بەرامبەر میلان کرد.

بێڵینگهام لەگەڵ تۆنی کروس، فێدێریکۆ ڤالڤێردی و ئێدواردۆ کاماڤینگا لە هێڵی ناوەڕاست یاری کرد. ئەمە هاوکێشەیەکی نوێی کارلۆ ئانچێلۆتییە و دەیەوێت بزانێت تاچەند یارمەتی تیمەکەی دەدات.

بەم پێکهاتەیە، میلان دوو گۆڵی لە رێگەی یاریزانان فیکایۆ تۆمۆری و لوکا رۆمێرۆ کرد، بۆیە ئانچێلۆتی ناچار چەند گۆڕانکارییەک بکات و ئەنجامەکەی بۆ 3-2 لە بەرژەوەندی خۆی گۆڕی.

بێڵینگهام 63 خولەک یاری کرد، توانی لەو ماوەیەدا کوالێتی خۆی پیشان بدات و پێدەچێت لە شێوازی یاری کردنی لۆس بلانکۆس راهاتبێت.

لەم ڤیدیۆیەی خوارەوەدا، تەواوی جووڵەکانی بێڵینگهام لە یارییەکە ببینە

ئانچێلۆتی لە دوای تەواوبوونی یارییەکە روونیکردەوە

بێڵینگهام یاریزانێکی زۆر باش و گرنگە. ئەو ناوەڕاستکارێکی ئامادەیە و بەبێ تۆپ زۆر باش یاری دەکات. بێڵینگهام ناوازەیە.

پێنجشەممە ریال مەدرید دووەم یاری ئامادەکاری وەرزی نوێ لە بەرامبەر مانچێستەر یونایتد دەکات و یارییەکە لە یاریگای NRG لە هیوستن، تێکساس بەڕێوەدەچێت.