بارسێلۆنا ئامادەکاری بۆ ناساندنی یاریزانێکی نوێ دەکات

یاریگا

یانەی بارسێلۆنای ئیسپانیا دوای گواستنەوەی ئیلکای گوندۆگان لە ریزەکانی یانەی مانچێستەر سیتی، ئەمجارەیان ئامادەکاری بۆ ناساندنی ئینیگۆ مارتینێز دەکات.

ئینگۆ مارتینێز وێنەیەکی لە تۆڕە کۆمەڵایەتیەکان بڵاوبووەتەوە خەریکی وێنە گرتنە بە درێسی یانەی بارسێلۆنا، بۆیە چاوەڕێ دەکرێت لە ماوەی چەند کاتژمێری داهاتوو ئەو یاریزانە بە شێوەیەکی فەرمی وەکو یاریزانی نوێی یانەکەی بناسێندرێت.

مارتینێزی 32 ساڵان دوای کۆتایی هاتنی گرێبەستەکەی لەگەڵ ئاتلێتیک بیلباو، گرێبەستەکەی لەگەڵ یانەکەی هەرێمی باسک نوێ نەکردەوە و بڕیاریداوە بێ بەرامبەر پەیوەندی بە ریزەکانی یانەکەی هەرێمی کەتەلۆنیاوە بکات.

مارتینێز وەرزی رابردوو لەگەڵ بیلباو لە لالیگا بەشداری 518 یاریکرد و توانی تەنها 1 گۆڵ بۆ یانەکەی تۆمار بکات.